۷ آذربایجان عسگری شهید اولدو
ارمنیستان اوردوسونون سرحددهکی تخریباتلاری نتیجهسینده چیخان چاتیشمالاردا ۷ عسگرین حیاتینی ایتیردیگی، ۱۰ عسگرین ایسه یارالاندیغی بیلدیریلدی
آذربایجان ساوونما باخانلیغی، ارمنیستان سرحدینده دونن باش وئرن چاتیشمالاردا آذربایجان اوردوسوندان ۷ عسگرین شهید اولدوغونو، ۱۰ عسگرین یارالاندیغینی آچیقلادی.
باخانلیقدان وئریلن آچیقلامادا، ارمنیستان اوردوسونون سرحددهکی تخریباتلاری نتیجهسینده چیخان چاتیشمالاردا ۷ عسگرین حیاتینی ایتیردیگی، ۱۰ عسگرین ایسه یارالاندیغی بیلدیریلدی.
آچیقلامادا، ارمنیستانین تخریباتینین باشاریسیزلیقلا نتیجهلندیگی، دونن آخشام ساعاتلاریندان اعتباراً سرحدده وضعیتین نورماللاشدیغی ایفاده ائدیلدی.
شهید عسگرلرین عائله و یاخینلارینا باشساغلیغی وئریلن آچیقلامادا، یاشانانلارین بوتون مسئولیتینین ایروان رهبرلیگینده اولدوغو قید ائدیلدی.
ارمنیستان اوردوسو سرحدده بعضی یوکسک یئرلری اله گئچرهرک داها الوئریشلی مؤوضعلر الده ائتمک مقصدیله دونن لاچین و کلبجر ایستیقامتینده عملیات باشلاتمیشدی.
آذربایجان اوردوسو دا عینی ایستیقامتده عملیات باشلاداراق ارمنیستانین سالدیریلارینی اؤنلهمیشدی.
روسیانین دؤورهیه گیرمهسی ایله چاتیشمالار دورموش، آتیشکس اعلان ائدیلمیشدی.