آخیسکا سورگونوندن ۷۷ ایل گئچدی

انسانلیق تاریخینین قارا بیر لکه‌سی اولان آخیسکا سورگونو، ۷۷.جی ایل‌دؤنومون‌ده هله ده یادداشلاردا و اورکلرده...
گورجوستانین تورکیه سرحدین‌ده یئر آلان آخیسکا، ۱۸۲۸-۱۸۲۹ عثمانلی-روس ساواشینین آردین‌دان ایمضالانان آندلاشمایلا روسیایا بوراخیلدیقدان سونرا، آخیسکا تورکلرینه چارلیق روسیاسینین ائتدیگی باسقی و ظلملر، سووئتلر بیرلیگی دؤنمیده ده داوام ائتدی. 
تورک و مسلمان اولاراق گورجوستان‌دا یاشاماق اونلار اوچون آرتیق چتین ایدی.
ایستالین، ۲.جی دونیا ساواشیندا، عینیله دیگر بوتون تورک بیرلیکلرینه ائتدیگی کیمی، آخیسکا تورکلری اوچون ده سورگون قراری ایمضالادی. 
۲۰۰دن چوخ کند و قصبه‌ده یاشایان مینلرجه انسان، یوک و حیوان واگونلارییلا داشیندی. یانلارینا اشیالارینی آلمالارینا اجازه وئریلمه‌دن یوخلوغا سورولدولر.
۸۶ مین قدر تورک، آخیسکادان اورتا آسیانین مختلیف بؤلگه‌لرینه سورگون ائدیلدی.
واگونلاردا اوست اوسته میندیریله‌ن آخیسکا تورکلرینین بو چتین‌ سفری بیر آیدان چوخ سوردو. 
سفر سیراسین‌دا تخمیناً ۱۷ مین آخیسکا تورکو، آجلیق، سویوق و خسته‌لیک سببلریله حیاتینی ایتیردی. آجلیق، سالقین و یولوخوجو خسته‌لیکلر سببیله ۳۰ مین آخیسکالی دا، اورتا آسیانین مختلیف بؤلگه‌لرین‌ده حیاتینی ایتیردی.
بو گون ۶۰۰ مینه یاخین آخیسکالی تورک، فرق‌لی اؤلکه‌لرده وطنلرینه حسرت اولاراق یاشاییر.
سورگون ائدیله‌ن آخیسکا تورکو عائله‌لرین‌دن ۷۲سی، ۵ ایل اؤنجه جمهورباشقانی رجب طیب اردوغانین تاپشیریغییلا اوکراینادان تورکیه‌یه گتیریله‌رک بیتلیسین آخلاط ائلچه‌سینه یئرلشدیریلمیشدی.