تورک شوراسیندان آفریقایا واکسن یاردیمی

آمره‌یئو ده، تورک دونیاسینین بیر قورولوشو اولاراق آفریقادا احتیاجی اولان اؤلکه‌لره توپلام ۵۱۱ مین دوز واکسن گؤندرمه‌یه قرار وئردیکلرینی آچیقلادی

1732805
تورک شوراسیندان آفریقایا واکسن یاردیمی

تورک اؤلکه‌لری امکداش‌لیق شوراسینا (تورک شوراسی) عضو اؤلکه‌لردن تورکیه، آذربایجان و گؤزلمچی اؤلکه ماجاریستان، آفریفادا احتیاجی اولان اؤلکه‌لره واکسن یاردیمی ائدجکلرینی بیلدیردی.

تورک شوراسی خاریجی ایشلر باخانلاری ۸.جی ذیروه‌سی اؤنجه‌سی باش یازمانی باغداد آمره‌یئو ایله ماجاریستان خاریجی ایشلر و خاریجی تیجارت باخانی پیتر سیارتو، ایستانبول‌دا جمهورباشقانلیغی دولماباغچا چالیشما اوفیسین‌ده اورتاق مطبوعات کنفران‌سی تشکیل ائتدی.

سیارتو، یئنی نسیل کوروناویروس (کووید-۱۹) سالقینینین دؤردونجو دالغاسینین اینسانلارین آشیلارا داها چوخ احتیاجی اولدوغونو اورتایا چیخاردیغینی سؤیله‌دی.

آشیلاری تاماملانمامیش شخصلرین اؤنجه‌کی مرحله‌لره گؤره داها جدی تهلوکه ایفاده ائتمه‌یه باشلادیغینی بیلدیر‌ن سیارتو،

"بو سببله واکسنلرین حیات قورتاردیغینی چوخ دقیق شکیل‌ده گؤردویوموزو دوشونوره‌م. واکسن اولایینی سیاسی و ایدئولوژیک بیر آرگومانا چئویره‌ن یاناشمالاری قبول ائتمیریک" ایفاده‌سینی ایشلتدی.

آمره‌یئو ده، تورک دونیاسینین بیر قورولوشو اولاراق آفریقادا احتیاجی اولان اؤلکه‌لره توپلام ۵۱۱ مین دوز واکسن گؤندرمه‌یه قرار وئردیکلرینی آچیقلادی.

ماجاریستانین ۲۱۱ مین سینوارم، تورکییه‌نین ۲۰۰ مین سینوواک، آذربایجانین دا ۱۰۰ مین دوز سینوواک آشیسینی آفریقایا گؤندرجگی بیلگیسینی پایلاشان آمره‌یئو، باش‌دا ماجاریستان اولماق اوزره بوتون عضو اؤلکه‌لره دستکلرین‌دن اؤترو تشکرلرینی بیلدیردی.

آمره‌یئو، عضو و گؤزلمچی اؤلکه‌لرین کمکه احتیاجی اولان بؤلگه‌لره ائتدیگی واکسن یاردیمینین دیگر اؤلکه‌لر اوچون ده مدل تشکیل ائتمه‌سی لازیم اولدوغونو وورغولادی.



ایلگیلی‌لی خبرلر