تورک لیدئرلر ایستانبولدا
دؤنم باشقانلیغینین آذربایجان‌دان تورکیه‌یه گئچه‌جگی ذیروه‌ده، امکداشلیغین هر ساحه‌ده داها دا گلیشدیریلمه‌سینه باغلی قونولار اله آلیناجاق
تورک شوراسینین ۸.جی ذیروه‌سی، جمهورباشقانی رجب طیب اردوغانین ائو صاحیبلیگین‌ده، ایستانبول‌داکی دموکراسی و اؤزگورلوکلر آداسین‌دا بو گون ائدیله‌جک.
"یاشیل تکنولوژیلر و دیجیتال چاغدا عاغیللی شهرلر" قونولو ذیروه‌یه، آذربایجان جمهورباشقانی ایلهام علییئو، قازاخیستان جمهورباشقانی قاسم جومرد توکایئو، قیرغیزیستان جمهورباشقانی سادیر جاپاروو، اؤزبکیستان جمهورباشقانی شؤوکت میرضیایئو ایله گؤزلمچی اؤلکه ماجاریستانین باشباخانی ویکتور اوربان قاتیلاجاق.
تورکمنیستان دؤولت باشقانی قوربانقولو بردی‌محمدوو دا گؤزلمچی عضو ایستاتوسویلا شورایا ایلک دفعه قاتیلان تورکمنیستانی تمثیل ائد‌جک.
جمهورباشقانی اردوغان، ایلک اولاراق سلطان احمد‌ده تورک شوراسی دفتری مرکز بیناسی آچیلیش پروگرامینا قاتیلدی.
پروگراما اردوغانین یانین‌دا تورک شوراسی عضوو اؤلکه‌لرین دؤولت باشقانلاری، خاریجی ایشلر باخانی مؤولود چاووش‌اوغلو، عدالت و قالخینما پارتیسی باشقان وکیلی بینعلی ییلدیریم و قوناقلار قاتیلدی.
جمهورباشقانی اردوغان و قوناقلاری، داها سونرا تورک شوراسی ۸.جی ذیروه‌سینین تشکیل ائدیله‌جگی دموکراسی و اؤزگورلوکلر آداسینا گئتمک اوزره بورادان آیریلدی.
ذیروه‌ده، تورک شوراسینین آدینین 'تورک دؤولتلری تشکیلاتی' اولاراق دییشدیریلمه‌سی و اؤنوموزده‌کی ۲۰ ایله معطوف ویزیون سندینین قبول ائدیلمه‌سی داخیل، تشکیلاتین ایشلییشینه و گله‌جگینه دایر اؤنملی قرارلارین آلینماسی گؤزلنیلیر.
دؤنم باشقانلیغینین آذربایجان‌دان تورکیه‌یه گئچه‌جگی ذیروه‌ده، امکداشلیغین هر ساحه‌ده داها دا گلیشدیریلمه‌سینه باغلی قونولار اله آلیناجاق.
جمهورباشقانی اردوغان، ذیروه وسیله‌سیله آیریجا، قونومداشلارییلا ایکی‌لی گؤروشمه‌لر گرچکلشدیرجک.
ایلگیلی‌لی خبرلر
علییئو: آوروپادان طلب آرتدی
"باتیلی اورتاقلاریمیزین قاتقیلارییلا آوراسیانین انرژی خریطه‌سینی دییشدیره‌ن بیر شبکه قوردوق"
اؤزبکیستان ایله قیرقیزیستان آراسینداکی دووار ییخیلدی
سؤزو گئدن دووار ۲۰۱۰دا اؤزبکیستانین گئچیش نقطه‌سینی باغلاماق اوچون هؤرولموشدو
