اردوغان: قوزئی قیبریس تورک جمهوریتینی آرامیزدا گؤرمک ایسته‌ییریک

جمهورباشقانی رجب طیب اردوغان، طبیعی فاجعه‌لر قونوسونا باغلی،

"تورکیه اولاراق اورتاق حرکت ائتمک اوزره 'تورک دؤولتلری تشکیلاتی مولکی قوروما مکانیزمی' قورولماسینی تکلیف ائدیریک" ایفاده‌لرینی ایشلتدی.

تورک شوراسینین ۸.جی ذیروه‌سی، جمهورباشقانی رجب طیب اردوغانین ائو صاحیبلیگین‌ده، ایستانبول‌داکی دموکراسی و اؤزگورلوکلر آداسین‌دا باشلادی.

اردوغان، بورادا ائتدیگی دانیشمادا، ترورلا موباریزه‌یه توخوناراق،

"پ‌کاکا-ی‌پ‌گ، داعش و فئتؤ کیمی شر مرکزلری باش‌دا اولماق اوزره، ترورون هر جورویله موباریزه‌میزی داوام ائتدیرمه‌یه قرارلیییق. بو قونودا امکداشلیغیمیزی آرتیرمالیییق" دئدی.

طبیعی فاجعه‌لرله موباریزه ایچین‌سه،

"یاشیل بؤیومه‌یه ایستیقامت‌لی اورتاق پروژه‌لره بیرلیک‌ده ایمضا آتمالیییق" دئیه‌ن اردوغان

"تورکیه اولاراق اورتاق حرکت ائتمک اوزره 'تورک دؤولتلری تشکیلاتی مولکی قوروما مکانیزمی' قورولماسینی تکلیف ائدیریک" دئیه دانیشدی.

جمهورباشقانی اردوغان، آیریجا، قیبریس تورک جمهوریتینین تورک دونیاسینین آیریلماز بیر پارچاسی اولدوغونو وورغولایاراق:

"تورک دونیاسینین آیریلماز بیر پارچاسی اولان قیبریس تورکلرینین معروض بوراخیلدیغی تجرید و تحریمین یونگوللشدیریلمه‌سین‌ده دگر‌لی دستکلرینیزه گووه‌نیرم. اسلام و خاریجی دوشمن‌لیگی کیمی چاغیمیزین وباسی اولان داغیدیجی آخینلارلا موباریزه‌ده بیرلیک‌ده حرکت ائتمه‌لیییک. عائله شکیلیمیزین داها دا زنگینلشمه‌سی اوچون اؤنوموزده‌کی دؤورده قوزئی قیبریس تورک جمهوریتینی آرامیزدا گؤرمه‌یی گؤنولدن آرزو ائدیریک" دئدی.

اردوغان، دانیشماسین‌دا دؤرد ایلدیر تورکیه‌ده باشارییلا تشکیل ائدیله‌ن تئکنوفستین گله‌جک ایل آذربایجان‌دا گرچکلشدیریله‌جگینی ده ایفاده ائتدی.

آذربایجان جمهورباشقانی ایلهام علییئو ده ذیروه‌ده ائتدیگی دانیشمادا،

"قارداشیم (جمهورباشقانی اردوغان) آذربایجانین دونیادا تک اولمادیغینی و تورکیه‌نین هر واخت یانین‌دا اولاجاغینی گؤستردی. بو گون تورک دونیاسی اؤلکه‌لری آراسین‌دا اورتاق بیر ویزیونوموز وار. بو اورتاق ویزیونون ساغلام بیر تمله اوتورماسی لازیم‌دیر" دئدی.

آذربایجان جمهورباشقانی علییئو،

"زنگه‌زور کوریدورو تورک دونیاسینی بیر-بیرینه باغلایاجاق و بیزلری آوروپایا باغلایاجاق" ایفاده‌لرینی ایشلتدی.