تورک شوراسینین آدی، 'تورک دؤولتلری تشکیلاتی' اولاراق دییشدی

خاریجی ایشلر باخانی مؤولود چاووش‌اوغلو، تورک دیلی دانیشان اؤلکه‌لر امکداش‌لیق شوراسی (تورک شوراسی) دؤولت باشقانلاری ۸.جی ذیروه‌سین‌ده تاریخی قرارلار آلیناجاغینی ایفاده ائد‌رک،

"عائله مجلیسیمیزین آدینی 'تورک دؤولتلری تشکیلاتی' اولاراق دییشدیریریک" دئدی.

چاووش‌اوغلو، ایستانبول‌دا تشکیل ائدیله‌ن تورک شوراسی ذیروه‌سی خاریجی ایشلر باخانلاری شوراسی ییغینجاغین‌دا دانیشدی. تورک دونیاسینین اورتاق تشکیلاتینین، آرتیق کوره‌سل بیر برند حالینا گلدیگینی سؤیله‌یه‌ن چاووش‌اوغلو،

"بو باشاری هامیمیزین. ایندی ده دییشه‌ن دونیایا اویوم ساغلایاجاق شکیل‌ده بیز ده اؤنملی بیر دؤنوشومون عرفه‌سینده‌ییک. عینی کؤک‌دن بسلنه‌ن بیر اولو آغاجین فرق‌لی بوداقلاریییق. کؤکلریمیزی اونوتمادان بیرلیگیمیزی گوجلندیردیکجه اولوسلارآراسی گوجوموزو آرتیراجاغیق" دئیه دانیشدی.

چاووش‌اوغلو، آتا یوردو اولاراق تانیملادیغی آسیانین دونیا سیاستین‌ده آغیرلیق مرکزی حالینا گلدیگینی، تورک شوراسینین اؤنمی و مسئولیتینین آرتدیغینی وورغولادی.

یارین تشکیل ائدیله‌جک ذیروه‌ده تاریخی قرارلارین آلیناجاغینی ایفاده ائد‌ن چاووش‌اوغلو،

"ایلک اولاراق، بو ایل قارداش تورکمنیستانین گؤزلمچی اولاراق ایشتیراکی ایله عائله شکیلیمیزی تاماملاییریق. دگرلی قارداشیم سایین  (تورکمنیستان خاریجی ایشلر باخانی) رشید مِرِدووون شخصین‌ده تورکمنیستانا آرامیزا خوش گلدینیز دئییرم. ایکینجی اولاراق، عائله مجلیسیمیزین آدینی 'تورک دؤولتلری تشکیلاتی' اولاراق دییشدیریریک" دئدی.

اوچونجو اولاراق، آغ‌ساققاللار شوراسینین (تورک شوراسینین دایمی مشاوره اورگانی) گؤزدن گئچیریلمیش یؤنتمه‌لیگینی قبول ائدیریک. اورتاق مدنیتیمیزده آتانین سؤزو داردا قالدیغیمیزدا بیزه همیشه یول گؤستریجی اولموش‌دور. آغ‌ساققاللاریمیز تجروبلریله یولوموزو ایشیقلاندیراجاق" ایفاده‌لرینی ایشلتدی.

چاووش‌اوغلو، دؤردونجو اولاراق، گؤزلمچی‌لیک و اورتاق‌لیق ایستاتوسلارینین آچیق بیر شکیل‌ده تعیین اولوناجاغینی ایفاده ائد‌رک،

"اؤزگون کینلیگیمیزی محافظه ائد‌رک تشکیلاتیمیزین چکیم گوجونو بیرلیک‌ده آرتیرابیله‌جییک. بئشینجی اولاراق، تورک دونیاسی ۲۰۴۰ ویزیونونو دا قبول ائدجییک" دئیه دانیشدی.