باکیدا غلبه یوروشو
وطنداشلار، اللرینده آذربایجان و تورکیه بایراقلاری و «قاراباغ آذربایجاندیر» شعاری ایله مارشلار سسلندیریرک یوروشه قاتیلدی
آذربایجان جمهوریتینین باشکندی باکیدا قاراباغ غلبهسینین ۱.جی ایلدؤنومو موناسیبتی ایله یوروش تشکیل ائدیلدی.
«غلبه گونو» شنلیکلری چرچیوهسینده آزنفت میدانیندان باشلایان یوروشه حربی اوخول اؤیرنجیلری، سرحد خیدمتی قوموتانلیغینین آتلی بیرلیگی، قاراباغ ساواشی غازیلری و وطنداشلار قاتیلدی.
حربی اورکسترین مارشلاری ایله باشلایان یوروشده اؤیرنجیلر ۴۴ گونلوک ساواش آنیسینا ۴۴۰ مترلیک آذربایجان بایراغینی داشیدیلار.
وطنداشلار، اللرینده آذربایجان و تورکیه بایراقلاری و «قاراباغ آذربایجاندیر» شعاری ایله مارشلار سسلندیریرک یوروشه قاتیلدی.
مینلرجه اینسانین ایشتیراک ائتدیگی یوروش، باکیدا ارمنیستان اوردوسوندان اله گئچیریلهن سلاح-مهمات و زرهلی آراجلارین بیر بؤلومونون سرگیلندیگی «غنیمتلر موزهسی»نده باشا چاتدی.
بیر ایل اؤنجه بو گون آذربایجان اوردوسو قاراباغین سمبل شهری شوشانی ایشغالدان آزاد ائتمیشدی.
آذربایجان پرزیدنتی ایلهام علییئو، ساواشین باشا چاتدیغی ۱۰ نوامبر تاریخینین مصطفی کمال آتاتورکون وفاتی گونو اولماسی ندنی ایله شوشانین ایشغالدان آزاد ائدیلدیگی تاریخ اولان ۸ نوامبری «غلبه گونو» اعلان ائتمیشدی.
ایلگیلیلی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوهسینده دؤولتین مولکیتینه گئچمیشدی