قیبریس-دا تورک سویلو جمهوریت‌لرین برپاسی‌نین 30 ایللیگینه حصر اولونموش سرگی
قوزیی قیبریس تورک جمهوریتینده تورک سویلو جمهوریت‌لرین برپا اولونماسی‌نین 30-جو ایلدؤنومونه حصر اولونموش تورکسوی فوتو سرگیسی آچیلیب.
قوزیی قیبریس تورک جمهوریتینده تورک سویلو جمهوریت‌لرین برپا اولونماسی‌نین 30-جو ایلدؤنومونه حصر اولونموش تورکسوی فوتو سرگیسی آچیلیب.
یاخین دوغو اونیورسیته‌سی و اولوسلار آراسی تورک مدنیتی تشکیلاتی‌نین (تورکسوی) بیرگه تشکیلاتچی‌لیغی ایله آذربایجان، قازاخیستان، قیرغیزیستان، اؤزبکیستان و تورکمنیستانین دؤولت موستقیل‌لیک‌لری‌نین برپاسی‌نین 30-جو ایلینده اونیورسیته‌نین آتاتورک مدنیت و کنقرئس مرکزی سرگی سالونوندا آچیلان فوتوشکیل سرگی‌سینده قوزیی قیپرس پرزیدنتی ارسین تاتار، ساغلیق ناظیری اونال اوستل، تورکیه-نین قیبریس سفیری علی موراد باشچئری، تورکسوی-ون باش کاتیبی دوسن کاسئینوو و باشقا‌لاری ایشتیراک ائدیب.
سرگی‌نین آچیلیشیندا چیخیش ائدن ارسین تاتار تانینماسیندا نه قدر چتین‌لیک‌لر یاشانسا دا، قیبریس-ین موستقیل بیر اؤلکه اولا‌راق تورک دونیاسی‌نین بیر پارچاسی اولدوغونو وورغولایا‌راق دئییب: "تورک جمهوریت لری 30 ایل اول موستقیل‌لیک‌لرینی برپا ائتدی‌لر. بیز قیبریس تورکلری ده بؤیوک موباریزه‌لر نتیجه‌سینده اگمنلیگیمیزی قازاندیق. اؤز گله جگینی تعیین ائتمه حاقی‌نین بیر پارچاسی اولا‌راق قیبریس خالقی اؤز دؤولتینی و وارلیغینی موستقیل بیر جمهوریت دامی آلتیندا داوام ائتدیریر. اینانیرام کی، چوخ دا اوزاق اولمایان بیر گله‌جکده قیبریس-ین موستقیل‌لیگی‌نین تانینماسی ایله تورک شوراسیندا دایمی عضو اولا‌راق یئریمیزی آلاجاغیق. چونکی بیزیم یئریمیز تورک دونیاسی‌دیر".
تورک جمهوریت‌لری‌نین - آذربایجان، قازاخیستان، قیرغیزیستان، اؤزبکیستان و تورکمنیستانین طبیعتی، تاریخی، مدنیت و صنعتینی عکس ائتدیرن اثرلردن عبارت سرگی 15 نوامبرا قدر آچیق اولا‌جاق.
