ایکی تورک لیدئر، زنگه‌زور دهلیزینین تملینی قویدو
"زنگه‌زور کوریدورو بوتون تورک دونیاسینی بیرلشدیره‌جک"
اکتبر آیینین ۲۶سیندا هورادیز-جبراییل-زنگیلان-آغبند اتومبیل یولونون (زنگه‌زور دهلیزی) تملی قویولدو.
پرزیدنت رجب طیب اردوغان و پرزیدنت ایلهام علییئو اؤنجه احمدبی‌لی-فضولی-شوشا اتومبیل یولون‌دا تیکینتی ایشلرینین گئدیشی ایله باغلی بیلگی آلدی.
سونرا دؤولت باشقانلاری هورادیز-جبراییل-زنگیلان-آغبند قورو یولونون (زنگه‌زور دهلیزی) تملینی قویدولار.
آذربایجان اتومبیل یوللاری دؤولت آژانسینین ایداره هئیتی باشقانی صالح محمدوو گؤروله‌ن ایشلر قونوسوندا دؤولت باشقانلارینا بیلگی وئردی.
بو گون زنگیلان‌دا دوست آگروپارک (عاغیللی اکینچی‌لیک دوشرگه‌سی) پروژه‌سینین تملی ده آتیلدی.
جمهورباشقانی رجب طیب اردوغان و آذربایجان جمهوریتی جمهورباشقانی ایلهام علییئو آیریجا، بیرینجی آغالی کندینده اورتاق مطبوعات توپلانتیسی تشکیل ائتدی.
توپلانتیدا دانیشان اردوغان، آذربایجانین قونشولارییلا ایلیشکی‌لری قونوسوندا،
"سرحدلرین تعیین اولوناراق قارشی‌لیق‌لی تانینماسی ضروریدیر. یاخشی قونشولوق ایلیشکی‌لرینین تملینی بو آنلاییش اولوشدورور" دئدی.
آذربایجان جمهورباشقانی ایلهام علییئو ده،
"اؤز خالقینی، دؤولتینی، خالقینین چیخارلارینی، غرورونو قورویان و ساوونان لیدئر (رجب طیب اردوغان) بو گون آذربایجان‌دادیر. بوتون تورک دونیاسی اوچون اردوغان ان اؤنملی فاکتورلاردان بیری‌دیر" دئدی.
زنگه‌زور کوریدورونون بوتون تورک دونیاسینی بیرلشدیره‌جگینی سؤیله‌یه‌ن علییئو،
"هم تورکیه هم آذربایجان زنگه‌زور کوریدورونون گرچکلشمه‌سی اوچون لازیم اولان آددیملاری آتاجاق" ایفاده‌لرینی ایشلتدی.
ایلگیلی‌لی خبرلر
علییئو: آوروپادان طلب آرتدی
"باتیلی اورتاقلاریمیزین قاتقیلارییلا آوراسیانین انرژی خریطه‌سینی دییشدیره‌ن بیر شبکه قوردوق"
