ارطغرول اوغلو: "فیبریس پروبلئمی‌نین حلینده بمت-دن چوخ شئی گؤزله‌میریک"

خاریجی ایشلر ناظیری تاحسین ارطغرول اوغلو "بمت-دن چوخ شئی گؤزله‌میریک، بو گونه قدر هئچ بیر سیاسی پروبلئمی حل ائتمه‌مه‌سی حقیقتی ده گؤز قاباغیندا‌دیر" دئییب.

1713237
ارطغرول اوغلو: "فیبریس پروبلئمی‌نین حلینده بمت-دن چوخ شئی گؤزله‌میریک"

قوزیی قیبریس تورک جمهوریتی‌نین خاریجی ایشلر ناظیری تاحسین ارطغرول اوغلو قیبریس پروبلئمی‌نین حلی مسئله سینده بیرلشمیش میللت‌لر تشکیلاتی‌نین (بمت) رولو ایله علاقه‌دار اولا‌راق "بمت-دن چوخ شئی گؤزله‌میریک، بو گونه قدر هئچ بیر سیاسی پروبلئمی حل ائتمه‌مه‌سی حقیقتی ده گؤز قاباغیندا‌دیر" دئییب.

ارطغرول اوغلو قوزیی قیبریس تورک جمهوریتی پرزیدنتی ارسین تاتارین بمت باش کاتیبی آنتونیو گوترش و قیبریس روم ایداره‌سی رهبری نیکوس آناستاسیادیس ایله امریکانین نیویورک شهرینده کئچیردیک‌لری گؤروش‌لردن سونرا واشینگتن-دا مطبوعات نوماینده‌لرینه قوزیی قیبریس تورک جمهوریتی-نین موضعینی تقدیم ائتدی.

گوترش‌ین آوریل آییندا سوئیس-ین ژنو شهرینده کئچیریلن توپلانتی‌دان سونرا اورتاق بیر فیکیر اولمادیغی قناعتینه گلدیگینی، لاکین بو نتیجه‌نی بمت تهلوکه‌سیزلیک شوراسینا بیلدیرمه‌دیگینی و ایکینجی توپلانتی‌نین کئچیریله جگینی بیلدیردیگینی ایفاده ائدن ارطغرول اوغلو 6 آی کئچمه‌سینه باخمایا‌راق بو توپلانتی‌نین تشکیل ائدیلمه‌دیگینی وورغولاییب.

ارطغرول اوغلو گوترش‌ین حاضیردا قیبریس مسئله سینده شخصی بیر سفیر تعیین ائتمگی پلانلاشدیردیغینی و بو سفیرین اورتاق زمینیین اولوب اولمادیغینی آراشدیراجاغینی سؤیله‌ییب.

"ایندی منه گؤره، بو، باش کاتیبین زامان اوچون تطبیق ائتدیگی بیر تاکتیکاسی‌دیر و او، هله اورتاق بیر فیکیر اولمادیغینی بیلیر" دئیه ارطغرول اوغلو بیلدیریب: "آدادا ایکی دؤولت وار. هر کس بیلمه‌لی‌دیر کی، بو رئال زمین اولمادیقجا و یئنی دانیشیق پروسه سی ایکی دؤولت آراسیندا دانیشیق‌لار پروسه سینه داخیل اولمادیقجا هئچ بیر دانیشیق پروسه‌سی اولمایا‌جاق".

ارطغرول اوغلو بمت-نین باریش مرام‌لی قوه‌لری‌نین 1964-جو ایلده اصلینده مؤوجود اولمایان بیر قیبریس حکومتینه ایسناد ائده‌رک آدایا گلدیگینی، لاکین قیبریس تورک‌لری‌نین آجی‌سینی آزالتمادیغینی قئید ائده‌رک دئییب: "بونا گؤره ده بمت-دن چوخ شئی گؤزله‌میریک. بمت-نین بو گونه قدر هئچ بیر سیاسی پروبلئمی حل ائتمه‌مه‌سی گؤز قاباغیندا‌دیر".



ایلگیلی‌لی خبرلر