علییئو: بیز شهیدلریمیزی اؤز قلبیمیزده ابدی ساخلایاجاغیق

"ایکینجی قاراباغ محاربه‌سین‌ده جانیندان گئچمیش قهر‌مان شهیدلریمیزین عزیز خاطره‌سی قارشی‌سین‌دا بو گون بیر داها باش اییر، اونلارا الله‌دان رحمت دیله‌ییریک"

1711052
علییئو: بیز شهیدلریمیزی اؤز قلبیمیزده ابدی ساخلایاجاغیق
Azerbaycan bayrağı.jpg

آذربایجان پرزیدنتی ایلهام علییئو قاراباغ ظفری آنیم گونو مناسبتی ایله خالقا سسلنیشینده،

"دوز بیر ایل بوندان اول ارمنیستان آذربایجانا قارشی حربی تخریبات تؤره‌ده‌رک ساواش مؤوضعلری و یاشاییش منطقه‌لریمیزی آتیش آلتینا توتموشدو. بو آتیشلار نتیجه‌سین‌ده ایلک ساعاتلاردا مولکی شخصلر و حربچیلر شهید اولموشدو. منیم امریمله آذربایجان اوردوسو بو قانلی جینایته جاواب اولاراق گئنیش میقیاس‌لی عکس-سالدیری عملیاتینا باشلامیش و ۴۴ گون داوام ائد‌ن ایکینجی قاراباغ محاربه‌سین‌ده تام غلبه قازانمیشدیر" دئدی.

پرزیدنت علییئو،

«گئچه‌ن ایل دسامبرین ۲سینده منیم گؤستریشیمله سپتامبرین ۲۷سی آذربایجان‌دا آنیم گونو کیمی تاسیس ائدیلمیش‌دیر. ایکینجی قاراباغ محاربه‌سین‌ده جانیندان گئچمیش قهر‌مان شهیدلریمیزین عزیز خاطره‌سی قارشی‌سین‌دا بو گون بیر داها باش اییر، اونلارا الله‌دان رحمت دیله‌ییریک. بیز شهیدلریمیزی اؤز قلبیمیزده ابدی ساخلایاجاغیق" ایفاده‌لرینی ایشلتدی.

علییئو،

بو گون وطن محاربه‌سی خاطیره کمپلکسینین و ظفر موزه‌سینین تملینین قویولاجاغینی بیلدیررک بئله داوام ائتدی:

 "باکی‌دا، شهریمیزین ان گؤزل یئرلرینین بیرین‌ده ایکینجی قاراباغ محاربه‌سینین قهر‌مانلارینین شرفینه مؤحتشم عابده اوجالدیلاجاق‌دیر. اونو دا بیلدیرمه‌لییه‌م کی، بو گون ساعات ۱۲ده بوتون اؤلکه اوزره بیر دقیقه‌لیک سوکوت اعلان ائدیله‌جک‌دیر".

 



ایلگیلی‌لی خبرلر