"خیوه - ۲۰۲۰ تورک دونیاسی مدنیت باشکندی"
تورک‌سویون ۳۷.جی دؤنم توپلانتیسیندا "خیوه - ۲۰۲۰ تورک دونیاسی مدنیت باشکندی" اعلان ائدیلسه ده، بونونلا باغلی فعالیتلر کووید -۱۹ سببیله گئچن ایل ائدیله‌بیلمه‌میشدی
اولوسلارآراسی تورک مدنیتی تشکیلاتی (تورکسوی) طرفین‌دن اعلان ائدیله‌ن "خیوه - ۲۰۲۰ تورک دونیاسی مدنیت باشکندی"نین آچیلیش پروگرامی اؤزبکیستانین تاریخی خیوه شهرین‌ده گئچیریلدی.
یئنی نؤوع کوروناویروس (کووید -۱۹) سالقینی سببیله گئچه‌ن ایل ارته‌لنن "خیوه - ۲۰۲۰ تورک دونیاسی مدنیت باشکندی" نین آچیلیش تدبیری ۵۰۰ نفره یاخین صنعت‌چینین قاتیلیمی ایله اؤزبکیستانین خیوه شهرین‌ده‌کی تاریخی ایچ قالادا تشکیل ائدیلدی.
مراسیم ندنی ایله خیوه شهری آچیق هاوا گؤستری ساحه‌سینه چئوریلرکه‌ن، تدبیره قاتیلان صنعتچیلر ایچان کالئ'نین بوتون کوچه‌لرین‌ده بیر صحنه قوراراق گله‌نکسل موسیقی و رقص گؤستریلری سرگیله‌دی.
تدبیر چرچیوه‌سین‌ده تورکسوی طرفین‌دن تشکیل ائدیله‌ن تورک دونیاسی مدنیت باشکندی فوتو سرگی‌سینین آچیلیشی دا ائدیلدی.
تورک جغرافیاسین‌دان اؤنملی فوتوگرافچیلارین اثرلرینین یئر آلدیغی سرگی‌ده تورک‌سویون مدنیت باشکندی بایراغینی دالغالاندیران شهرلرین فوتوشکیللری ده سرگیله‌ندی.
تدبیر چرچیوه‌سین‌ده اؤزبکیستانین گله‌نکسل موتیولرینی عکس ائتدیره‌ن اثرلردن اولوشان مد دفیله‌سی ده گرچکلشدی.
تدبیرده صحنه‌یه چیخان صنعتچیلر اؤزبکیستانین مختلیف موسیقی و رقص گؤستریلرینی و آذربایجان، قازاقیستان، قیرقیزیستان، تورکیه، تورکمنیستان و ماجاریستان کیمی فرق‌لی جغرافیالاردان نومونه‌لر سرگیله‌دی.
۲۰۱۹.جو ایلده قیرقیزیستانین اوش شهرین‌ده گئچیریله‌ن تورک‌سویون ۳۷.جی دؤنم توپلانتیسیندا "خیوه - ۲۰۲۰ تورک دونیاسی مدنیت باشکندی" اعلان ائدیلسه ده، بونونلا باغلی فعالیتلر کووید -۱۹ سببیله گئچن ایل ائدیله‌بیلمه‌میشدی.
