پرزیدنت علییئو، لاچین و کلبجره گئتدی
لاچین اولوسلارآراسی هاوا لیمانینین تملینی ده قویان علییئو، کلبجر شهرینین مرکزینده آذربایجان بایراغینی قالدیردی
آذربایجان پرزیدنتی ایلهام علییئو ارمنیستانین ایشغالیندان آزاد ائدیلمیش لاچین و کلبجر ویلایتلرینه گئتدی.
علییئوین حیات یولداشی مهریبان علییئوانین اینستاگرام حسابیندان پایلاشدیغی گؤرونتولرده پرزیدنت علییئوین بؤلگهیه شخصی اتومبیلی ایله گلدیگی گؤرولدو.
یول بویو ییخیلمیش دورموداکی یاشاییش یئرلرینی گؤسترهن علییئو، بوتون کندلرین ارمنی گوجلری طرفیندن داغیدیلدیغینی سؤیلهدی.
علییئو، کلبجر و لاچینین داغلاری، درهلری و مئشهلری ایله چوخ گؤزل طبیعته صاحب اولدوغونو بیلدیردی.
پرزیدنت علییئو، سفر چرچیوهسینده توغانالی-کلبجر یولو اوستونده مورووداغدا و کلبجر-لاچین یولوندا تیکیلهجک تونللرین تملینی قویدو.
لاچین اولوسلارآراسی هاوا لیمانینین تملینی ده قویان علییئو، کلبجر شهرینین مرکزینده آذربایجان بایراغینی قالدیردی.
علییئو کلبجردهکی ایستیسو قایناغینا دا باش چکدی.