علییئو: بو تالانین حسابینی وئره‌جکلر
"کلبجرده، سویودلوده، زنگیلان‌دا، وئجنه‌لی‌ده و باشقا یئرلرده‌کی قیزیل یاتاقلاریمیز خاریجی شیرکتلر طرفین‌دن سؤمورولدو"
آذربایجان پرزیدنتی ایلهام علییئو، ارمنیستانین ایشغالی زامانی اؤلکه‌نین معدنلرین‌ده فعالیت گؤستره‌ن خاریجی شیرکتلری اولوسلارآراسی محکمه‌لره وئره‌جکلرینی بیلدیردی.
ایلهام علییئو، ارمنیستانین ایشغالین‌دان آزاد ائدیلمیش لاچین و کلبجر بؤلگه‌لرینه سفری سیراسیندا ائتدیگی چیخیشین‌دا، قاراباغ ساواشین‌دان سونرا ایمضالانان بیاننامه‌یه اساساً، ارمنی گوجلرینه کلبجردن چیخنالاری اوچون ۲۵ نوامبر ۲۰۲۰.جی ایله قدر واخت وئردیکلرینی، اونلارین ایسه گئتمه‌دن اؤنجه اؤزلرینه عاید اولمایان ائولری یاندیردیقلارینی، آغاجلاری کسدیگینی سؤیله‌دی.
ارمنیلرین ائتدیکلرینی "وحشیلیک" و "فاشیزم" آدلاندیران علییئو،
"بونو هئچ کیم اونوتمامالی‌دیر. ارمنیلرین وحشی‌لیگی گؤز قاباغین‌دادیر. آنجاق اونلارین قورویوجولاری بونو گؤرمک ایسته‌میرلر. اما بونو گؤرملیدیرلر و گؤره‌جکلر. گؤزلرینه سوخاجاغیق. کیتابلار نشر ائده‌جییک. یورددیشیندا سرگیلر تشکیل ائدهجهییک. گؤرمک ایسته‌مه‌یه‌نلر ده ارمنی فاشیزمینین و غدارلیغینین نه اولدوغونو مجبوراً گؤره‌جکلر" دئدی.
علییئو، ارمنیلرین ایشغال دؤورون‌ده آذربایجانین طبیعی قایناقلارینی قانونسوز اولاراق تالان ائتدیکلرینی و بو ایشده بعضی خاریجی شیرکتلرین اونلارا کؤمک ائتدیگینی بیلدیررک بئله داوام ائتدی:
"بو شیرکتلرین ایکی یولو وار. یا بیزه خسارت اؤد‌یه‌جکلر، یا دا اولوسلارآراسی محکمه‌یه گئده‌جکلر. کلبجرده، سویودلوده، زنگیلان‌دا، وئجنه‌لی‌ده و باشقا یئرلرده‌کی قیزیل یاتاقلاریمیز خاریجی شیرکتلر طرفین‌دن سؤمورولدو. بو شیرکتلر بورانین آذربایجان تورپاغی اولدوغونو بیلیردیلر، اما بونو دقته آلمادیلار. ایندی جاواب وئره‌جکلر. قلوبال میقیاس‌دا اونلاری بی‌آبیر ائتمه‌میزی ایسته‌میرلرسه، گلیب خسارت اؤد‌ه‌سینلر". ایشغال دؤورون‌ده ارمنیلرین مئشه‌لری ده یوخ ائتدیگینی دئیه‌ن علییئو، اللرینده اویدودان چکیلمیش شکیللره اولدوغونو و ارمنیلرین تخمیناً ۶۰ مین هکتارلیق مئشه‌نی یوخ ائتدینی ایفاده ائد‌رک،
"بو تالانین حسابینی وئره‌جکلر. ایشغال‌دان قورتاریلمیش تورپاقلاردا زیان اؤلچوسو حسابلانیر. اولوسلارآراسی محکمه‌لرده بوتون زیانین تضمینینی طلب ائدهجهییک" ایفاده‌لرینی ایشلتدی.
ایلگیلی‌لی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوه‌سینده دؤولتین مولکیتینه گئچمیشدی
