حیدر علییئو مرکزینده تورکیه بایراغی یانسیدیلدی
"آذربایجان دؤولتی و خالقی، هم چتین هم ده یاخشی گونونده تورکیهنین یانیندا اولاجاق"
آذربایجانین باشکندی باکینین یئنی معمارلیق سمبوللاریندان حیدر علییئو مرکزینده، تورکیهنین مئشه یانغینلارییلا مبارزهسینه دستک مقصدیله تورکیه بایراغی یانسیدیلدی.
آی اولدوزلو بایراغین عکس ائتدیریلمهسینی آذربایجان خاریجی ایشلر باخان کؤمکچیسی فاریض رضایئو، تورکیهنین باکی ائلچیسی جاهید باغچی، آذربایجاندا یاشایان تورکیه وطنداشلاری و باکیلیلار دا ایزلهدی.
تورکیهنین باکی ائلچیسی باغچی، قازئتچیلره وئردیگی آچیقلامادا، یانغینلارین ایلک گونونده آذربایجانین بیر اوچاق دولوسو پرسلی تورکییهیه گؤندردیگینی بیلدیردی.
او گوندن سونرا دا آذربایجانین دستکلرینی داوام ائتدیردیگینی، اطفاعیه آراجی و پرسنلی، هلیکوپتر و آمفیبی اوچاق گؤندردیگینی بیلدیرن باغچی،
"سایین جمهورباشقانی ایلهام علییئوین تاپشیریغییلا ایجرا ائدیلهن بو فعالیت، اؤلکهمیز باخیمیندان معنالی و قیمتلیدیر" دئدی.
باغچی، آذربایجانین بو داورانیشینین "گلدیم قارداشیم" داورانیشی اولدوغونو وورغولایاراق، باشدا جمهورباشقانی علییئو اولماق اوزره بوتون یئتکیلیلره و آذربایجان خالقینا تشکر ائتدی.
تورکیه خالقینین آذربایجانین دستگینی گؤردوگونو و حس ائتدیگینی دیله گتیرهن باغچی،
"ملتیمیز بو دستگی هئچ بیر زامان اونوتمایاجاق" دئدی.
آذربایجان خاریجی ایشلر باخان کؤمکچیسی رضایئو، چتین گونلرینده قارداش تورکیهیه دوست الینی اوزاتمانین معنوی بورجلاری اولدوغونو سؤیلهدی.
رضایئو، آذربایجان دؤولتی و خالقینین، هم چتین هم ده یاخشی گونونده تورکیهنین یانیندا اولاجاغینی قید ائتدی.