داعش، کرکوک‌ده ۷ دکلی پاتلاتدی
داعش منسوبلارینین کرکوکون گونئیینده‌کی ریاض ناحیه‌سی یاخینلارین‌دا الکتریک خطلرینه سالدیری تشکیل ائتدی
عراقین کرکوک شهرین‌ده‌کی الکتریک خطلرینه ترور هؤرگوتو داعشین تشکیل ائتدیگی سالدیریدا ۷ دکل تخریب اولدو.
کرکوک الکتریک شیرکتین‌دن وئریله‌ن یازیلی آچیقلامادا، داعش منسوبلارینین شهرین گونئیینده‌کی ریاض ناحیه‌سی یاخینلارین‌دا الکتریک خطلرینه سالدیری تشکیل ائتدیگی قید ائدیلدی.
سالدیریدا ۷ دکلین تخریب اولدوغو و کرکوک شهر مرکزی ایله بعضی ائلچه‌لرینده الکتریک کسیلمه‌لری یاشاندیغی ایفاده ائدیلدی.
داعشلی تروریستلرین ۷ دکلین آلتینا یئرلشدیردیکلری پاتلاییجیلاری اوزاق‌دان کنترل صورتی ایله پاتلاتدیغی بیلدیریلدی..
آچیقلامادا آیریجا سون گونلرده اؤلکه‌نین الکتریک آلت یاپیسینا قارشی بو جور سالدیریلارین آرالیقسیز شکیل‌ده سوردوگونه اشاره ائدیلدی.
اؤزللیکله یاز آیلارین‌دا اوزون سوره‌لی الکتریک کسیلمه‌لرینین یاشاندیغی عراق‌دا، سون بیر آی ایچری‌سین‌ده موصول، کرکوک و صلاح‌الدین ویلایتلرین‌ده‌کی الکتریک خطلرینه آرالیقسیز شکیل‌ده سالدیریلار تشکیل ائدیلیر.
بغداد رهبرلیگی، اؤلکه‌ده‌کی الکتریک آلت یاپیسینا قارشی سالدیریلارین آرخاسین‌دا ترور هؤرگوتو داعشین اولدوغونو ایفاده ائدیر.
