آذربایجانلی آکتیویست اکبر آزاد گؤزآلتینا آلیندی
گؤزآلتینا آلینان آکتیویستین، آغیر شکر خسته‌سی اولدوغو بیلدیریلیر
تورک آکتیویست اکبر آزادین گؤزآلتینا آلیندیغی بیلدیریلیر. آزادین هاردا توتولدوغو حاقیندا هله‌لیک بیر بیلگی یوخ.
مهندس حسن راشدی، آذربایجانلی آکتیویست اکبر آزاد ایله باغلی یاییملادیغی بیلگیلندیرمه یازیسیندا، بو آکتیویستین، دیگر اوچ آکتیویست علیرضا فرشی، بهنام شیخی و حمید منافی ایله بیرلیکده "آنا دیلی گونو" مراسیمینه قاتیلما سوچوندان ایکی ایل حبس و ایکی ایل سورگون جزاسینا محکوم ائدیلدیگینی خاطیرلاداراق، بئله یازدی:
"سایین اکبر آزاد، بو گون، بازار ارته‌سی، مرداد آیینین اون سککیزی، اؤنجه‌کی وثیقه‌نی یئنی بیر وثیقه ایله دییشدیرمک اوچون باهارستان انقلاب ساوچیلیغینین ۲.جی شعبه‌سینه مراجعت ائتمیش، طلبی محکمه طرفین‌دن قبول ائدیلمه‌میش و تخمیناً ساعات ۱۲:۳۰دا تبعید اولدوغو محتمل حؤکمونون اجراسی اوچون، بؤیوک اولاسیلیقلا نظارت مرکزینه آپاریلمیشدیر.
حسن راشدی، گؤزآلتینا آلینان آکتیویستین، آغیر شکر خسته‌سی اولدوغونو و درمانلارینی یانینا آلمادیغینی، آیریجا اؤولادینین دا خسته اولدوغونو بیلدیررک، سوروله‌جک یئرین ده ایلامین دره‌شهر بؤلگه‌سی اولدوغونو یازدی..
