اردوغان و علییئو تلفندا دانیشدی
اردوغان، آذربایجانلی پرسنلین تورکیهدهکی یانغین سؤندورمه ایشلرینه یوکسک باجاری و سئوگی ایله قاتیلدیقلارینی سؤیلهدی
جمهورباشقانی رجب طیب اردوغان، آذربایجان جمهورباشقانی ایلهام علییئو ایله تلفندا دانیشدی.
آذربایجان جمهورباشقانلیغیندان وئریلهن آچیقلامایا گؤره، اردوغانی آرایان علییئو، تورکیهنین مختلف یئرلرینده میدانا گلن مئشه یانغینلاری نتیجهسینده حیاتینی ایتیرهنلر اوچون بیر دفعه داها باشساغلیغی دیلهدی، یانغینلارین سؤندورولمهسی و نتیجهلرینین اؤنلهنمهسینده تورکیهنین یانیندا اولدوقلارینی ایفاده ائتدی.
علییئو، داها اؤنجه گؤندریلهنلره علاوه اولاراق ۴۰ یانغینسؤندورمه آراجینین یولا چیخدیغینی، یارین یانغین بؤلگهسینه چاتاجاغینی ایفاده ائدرک بئلهلیکله تورکیهده یانغینلا مبارزه اوچون آذربایجاندان گؤندریلهن آراج ساییسینین ۹۳ اولاجاغینی بیلدیردی.
تورکیهده ۵۱۰ آذربایجانلی پرسنل ایله آذربایجانا عاید ۱ هلیکوپتر و ۱ آمفیبی اوچاغین یانغینلا مبارزه ایشلرینه قاتیلدیغینی خاطیرلادان علییئو، اؤزل ائییتیملی ۲۰۰ یانغینسؤندورمه پرسنلیندن عبارت اولان بیر قروپ داها گؤندرمهیی تکلیف ائتدی و بئلهجه پرسنل ساییسینین ۷۱۰ نفره چاتاجاغینی قید ائتدی.
جمهورباشقانی اردوغان، باشساغلیغی دیلکلری و تورکیهیه وئردیکلری دستک اوچون علییئوه تشکر ائتدی.
اردوغان، آذربایجانلی پرسنلین تورکیهدهکی یانغین سؤندورمه ایشلرینه یوکسک باجاری و سئوگی ایله قاتیلدیقلارینی قید ائتدی.
آذربایجاندان گؤندریلهجک علاوه دستک اوچون ده تشکرلرینی بیلدیرن اردوغان، بو دستگین آذربایجان ایله تورکیه آراسینداکی قارداشلیق و دوستلوغون آچیق بیر گؤستریجیسی اولدوغونو ایفاده ائتدی.
اردوغانا، ارمنستان اوردوسونون سرحدده گرچکلشدیردیگی تخریباتلار حاقیندا بیلگی وئرن علییئو، آذربایجان اوردوسونون بو کیمی تخریباتلارا لازیم اولان قارشیلیغی وئردیگینی ایفاده ائتدی.
جمهورباشقانی اردوغان ایسه، تورکیهنین هر زامان قارداش آذربایجانین یانیندا اولدوغونو وورغولادی.
تلفن دانیشیغیندا، قاراباغ ساواشی سونراسی (سپتامبر-نوامبر ۲۰۲۰) سورهجی حاقیندا گؤروش لیش وئریشی ائدیلدی.