تورکیه یانیر، آدامجیغازلار سئوینیرلر؟! - حسن راشدی

فاشیستی تفکّوره مالیک اولان و آدلارینی آدام قویان موجودلار هانسی منطیق اساسیندا تورکیه‌ده اورمان یانقینینا سئوینیرلر؟!
اورمان یانقینینا سئوینمک، اینسان و بوتون یارانیشلارین نَفَس چکمگه احتیاجی اولان اوکسیژنین آرادان گئتمه‌سینه سئوینمکدیر!
اورمان یانقینینا سئوینمک، مئشه‌ده آزادجا یاشایان دیلسیز-آغیزسیز  و گوناهسیز حئیوان و بوتون یارانیشلارین اود ایچینده یانیب کول اولماسینا سئوینمکدیر!
بئله بیر دوروما سئوینمک، ماهنی اوخوماق ، ماشینلا خیاباندا سئوینجله سیقنال چالماق هانسی دالی قالمیش، مدنیّت گؤرمه‌میش، اینسانلیقدان اوزاق دوشموش آداملارین ایچینده مرسومدور کی، بیر عده، بو ایران و ارمنستان آدلی اؤلکه‌ده بو ایشی گؤرورلر؟!
تورکیه بؤیوک بیر اؤلکه‌دیر، اؤلکه‌نین یوزده اوتوزودا اورمانلیقدیر و هر ایلده یئنی آغاج اکیمی ایله اورمانلیغینی دا چوخالدیر و بو یانقینی دا سؤندوره‌جک و یانان آغاجلارین یئرینه یئنی آغاجلار اکه‌جک، آمما اوزو قارالیق و فاشیستلیک، بوگون مئشه یانقینینا سئویننلره قالاجاق...!