قازاقیستاندا دمیر چاغینا عاید اثرلر تاپیلدی
بیر آی اؤنجه ایالتین موغالژار بؤلگهسینده تاپیلان دمیر چاغینا عاید قبیریستانلیقدا آرکئولوژی قازینتی ایشلری باشلادیلدی
قازاقیستانین آکتؤبه ایالتینده تاپیلان ارکن دمیر چاغینا عاید قبیریستانلیقدا میلاددان اؤنجه ۶.جی - ۵.جی عصرلره ایشیق توتان داش سوناق و قیزیللا اؤرتولموش مراسیم قیلینجی تاپیلدی.
آکتؤبه ایالت والیلیگی طرفیندن وئریلهن آچیقلامایا گؤره بیر آی اؤنجه ایالتین موغالژار بؤلگهسینده تاپیلان دمیر چاغینا عاید قبیریستانلیقدا آرکئولوژی قازینتی ایشلری باشلادیلدی.
اؤلکهنین اؤنملی آرکئولوگلارینین قاتیلدیغی قازینتی ایشلری سیراسیندا، ارکن دمیر چاغیندا کؤچری خالق اولان سارماتلارین ایستیفاده ائتدیگی و میلاددان اؤنجه ۶.جی - ۵.جی عصرلره ایشیق توتان داش سوناق و قیزیللا اؤرتولموش مراسیم قیلینجی کشف ائدیلدی. بونون یانیندا برنز آینالار و دیگر آنتیک اشیاء تاپیلدی.
ایالت والیسی اونداسین اورازالین، بؤلگه تاریخی و مدنیتی باخیمیندان اؤنملی اولان بو آرکئولوژیک قازینتی ایشلرینین داوام ائدجگینی و لازیم اولان دستگی وئرهجکلرینی سؤیلهدی.