عسگر آکایئو، سیغیندیغی روسیادان قیرقیزیستانا آپاریلدی

قیرقیزیستانین قوروجو جمهورباشقانی عسگر آکایئوین ۱۶ ایلده‌ن سونرا سیغیندیغی روسیادان قیرقیزیستانا آپاریلدیغی بیلدیریلدی.

یئرلی مطبوعاتین گوونلیک قایناقلارینا دایاندیردیغی خبرینه گؤره، قوروجو جمهورباشقانی آکایئوین ملی گوونلیک دؤولت کمیته‌سینین چالیشمالاری نتیجه‌سین‌ده بیشکئکه آپاریلدیغی بیلدیریلدی.

آکایئوین بیشکئک‌ده‌کی ماناس اولوسلارآراسی هاوا لیمانین‌دان آلیناراق ملی گوونیک دؤولت کمیته‌سینین بیناسینا آپاریلدیغی و کومتور قیزیل معد‌نی ایله باغلی سوروشدورما چرچیوه‌سین‌ده حاقیندا سوروشدورما باشلادیلدیغی قید ائدیلدی.

جمهورباشقانی سادیر جاپاروو حکومتی، آکایئوین حاکمیتی دؤورون‌ده ۱۹۹۳.جو ایلده کانادالی سنترا گولد شیرکتی طرفین‌دن قورولان کومتور قیزیل معد‌نینه چئوره‌یه بؤیوک زیان ووردوغو سببیله بیر قیوم تعیین ائتمیشدی.

گوونلیک گوجلری، کومتور قیزیل معد‌نینین سوروشدورماسی چرچیوه‌سین‌ده آکایئوین حاقیندا یاخالاما قراری وئرمیشدی. قیرقیزیستان مستقیللیک قازاندیقدان سونرا ۱۵ ایل جمهورباشقانی اولان آکایئو، ۲۴ مارس ۲۰۰۵.جی ایل خالق قیامین‌دا عائله‌سی ایله بیرلیک‌ده اؤلکه‌نی ترک ائد‌رک روسیایا سیغینمیشدی.