"یاردیم قروپلاری قارداش اؤلکه‌یه حرکت ائد‌جک"

آذربایجان جمهورباشقانی علییئو، جمهورباشقانی اردوغانا مئساژ گؤندردی

1682851
"یاردیم قروپلاری قارداش اؤلکه‌یه حرکت ائد‌جک"
Türkiye-Azerbaycan bayrak

آذربایجان جمهورباشقانی ایلهام علییئو، تورکیه‌نین فرق‌لی بؤلگه‌لرین‌ده چیخان یانغینلاردا حیاتینی ایتیره‌نلر اوچون جمهورباشقانی رجب طیب اردوغانا باش‌ساغلیغی مئساژی گؤندردی.

تورکیه‌نین ۶ ائلین‌ده، ۲۰ نقطه‌ده‌کی اورمان یانغینلارییلا مبارزه داوام ائدیر.

آذربایجان جمهورباشقانی علییئو، بو یانغینلارا باغلی جمهورباشقانی اردوغانا مئساژ گؤندردی.

مئساژدا بو ایفاده‌لره یئر وئریلدی:

"سایین جمهورباشقانی، عزیز قارداشیم. سیزین لیدئرلیگینیزله حکومتینیزین آتدیغی قرارلی آددیملار سایه‌سین‌ده، عزم‌لی و مجادله‌چی تورک خالقینین بو فلاکتی قیسا مدت‌ده سوووشدوراجاغین‌دان امینم.

آذربایجان حکومتی و خالقی، هر واخت اولدوغو کیمی بو گون ده قارداش تورک خالقی ایله دایانیشما ایچینده‌دیر و اونون یانین‌دادیر.

شخصیم و آذربایجان خالقی آدینا، یانغینلاردا حیاتینی ایتیره‌نلرین عائله‌لرینه و یاخینلارینا ان درین باش‌ساغلیغی دیله‌کلریمی سونار، یارالیلارا غاجل شفالار دیله‌ییرم. الله رحمت ائتسین!".

آذربایجان جمهورباشقانی یاردیمچیسی حیکمت حاجییئو ده جمهورباشقانی علییئوین، مئشه یانغینلارینین سؤندورولمه‌سی و کنترل آلتینا آلینماسینا دستک اولماسی مقصدیله تورکیه‌یه قروپلارین گؤندریلمه‌سی قونوسوندا تاپشیریق وئردیگینی بیلدیردی.

حاجییئو، یازی‌لی آچیقلاماسیندا،

"جمهورباشقانی علییئو، آذربایجان باشباخانی و فؤوق‌ا‌لعاده حاللار باخانینا لازیم‌ اولان تاپشیریقلاری وئردی. ایلگیلی دؤولت قوروملاری تورکیه معادلری ایله تماسا گئچدی و یاردیم قروپلاری ان قیسا مدت‌ده قارداش اؤلکه‌یه حرکت ائد‌جک" ایفاده‌لرینی ایشلتدی.



ایلگیلی‌لی خبرلر