باکی بیاننامه‌سی قبول ائدیلدی

"عدالت اوچون وئردیگیمیز ساواشدا هم پاکستان هم تورکیه‌دن آلدیغیمیز دستک سون‌سوزا قدر ذهنلریمیزده، کؤنوللریمیزده قالاجاق"

1681476
باکی بیاننامه‌سی قبول ائدیلدی

تورکیه، آذربایجان و پاکستان پارلمان باشقانلاری، باکی بیاننامه‌سینی قبول ائتدی.

آذربایجان-پاکستان-تورکیه اوچلو پارلمان باشقانلاری بیرینجی ییغینجاغی، آذربایجان ملی مجلسی باشقانی صاحبه غفارووانین ائو صاحبلیگین‌ده، تورکیه بؤیوک ملت مجلسی باشقانی مصطفی شن‌توپ و پاکستان ملی مجلس باشقانی اسد قیصرین ایشتیراکییلا باکی‌دا ائدیلدی.

بیاننامه‌نین ایجرا ییغینجاغین‌دا قبول ائدیلمه‌سینین آردین‌دان شن‌توپ، قیصر و غفارووا، آذربایجان پارلمانین‌دا دانیشدی.

تورکیه بؤیوک ملت مجلسی باشقانی شن‌توپ، تورکیه، آذربایجان و پاکستان آراسین‌داکی کؤک‌لو ایلیشکی‌لری "دوستلوق و قارداش‌لیق" اساسیندا تانیملادیقلارینی ایفاده ائد‌رک، اوچ اؤلکه‌نین پارلمان باشقانلاری اولاراق یئنی بیر گیریشیمی باکی‌دا باشلاتمانین هیجانینی یاشادیقلارینی سؤیله‌دی.

شن‌توپ، مشترک چابالارلا یئتکینلشه‌جک بو گیریشیمین پارلمانلار آراسی امکداش‌لیغی داها دا زنگینلشدیره‌جک ملموس پروژه‌لره حیات وئرمه‌سینی آرزو ائتدیگینی قید ائتدی.

آذربایجانین مظفر بیر دؤولت اولاراق احاطه‌لی بیر باریش آنلاشماسی ایمضالاماق اوچون ارمنستانا ائتدیگی چاغرینی "ووقارلی بیر آچیلیم" اولاراق دگرلندیردیکلرینی ایفاده ائد‌ن شن‌توپ، بئله داوام ائتدی:

"ارمنستانین سؤز قونوسو چاغرییا یاخشی نیت‌لی و یاپیجی بیر آنلاییشلا جاواب وئرمه‌سینین ائده‌بیله‌جگی ان دوغرو ایش اولاجاغینا اینانیریق. ساواشدا اودوزماسینا باخمایاراق۲۰ ژوئن سئچیملرین‌دن سونرا یئنی‌دن سئچیله‌ن پاشینیانین، ایمضالادیغی سندلرین تطبیق اولونماسینی سرعتله‌ندیرمه‌سینی اومود ائدیریک. بو آددیمی صمیمیتله آتماسی حالین‌دا، تورکیه اولاراق عینی آنلاییشلا جاواب وئرجگیمیزی تکرار ایفاده ائتمک ایستیره‌م.

پاکستان ملی مجلسی باشقانی قیصر ده آذربایجان خالقینی ۴۴ گونده الده ائدیله‌ن ظفر ندنی ایله تبریک ائد‌رک بو ظفردن پاکستان خالقینین دا سئوینج دویدوغونو ایفاده ائتدی.

تورکیه و آذربایجانا، پاکستانین یانلارین‌داکی دوروشلاری سببیله تشکر ائد‌ن قیصر، باکی بیاننامه‌سی ایله وئریلن تکلیفلرین تطبیق ائدیلدیگینی ده گؤرمک ایسته‌دیکلرینی قید ائتدی.

آذربایجان ملی مجلسی باشقانی غفارووا دا، تورکیه، آذربایجان و پاکستان آراسین‌داکی مشترک گووه‌ن و قارداشلیق تملین‌ده گرچکلشن ایلیشکی‌لرین اوزون ایللردیر داوام ائتدیگینی وورغولایاراق، "عدالت اوچون وئردیگیمیز ساواشدا (قاراباغ) هم پاکستان هم تورکیه‌دن آلدیغیمیز دستک سون‌سوزا قدر ذهنلریمیزده، کؤنوللریمیزده قالاجاق" دئدی.

پارلمانلر آراسین‌داکی یاخین ایلیشکی‌لرین، خالقلار آراسین‌داکی ایلیشکیلرین گلیشمه‌سینه خیدمت ائدجگینی ایفاده ائد‌ن غفارووا، اوچلو پارلمان باشقانلاری ییغینجاغینین دا اولوسلارآراسی پلتفورمالاردا مشترک چیخارلارین دستکلنمه‌سی باخیمین‌دان اؤنملی اولدوغونو وورغولادی.

بیر سونراکی اوچلو ییغینجاغین پاکستان‌دا، مارس ۲۰۲۲ده اولماسی قرارلاشدیریلدی.



ایلگیلی‌لی خبرلر