جمهور باشقانی اردوغان قیبریس-دا گنج‌لرله گوروشوب
جمهور باشقانی اردوغان قوزیی قیبریس تورک جمهوریتینه رسمی سفری چرچیوه‌سینده لفکوشا-داکی بویوک خاندا گنج‌لرله گؤروشوب.
جمهور باشقانی رجب طیب اردوغان قوزیی قیبریس تورک جمهوریتینده‌کی گنج‌لره موباریزه‌ده هر زامان یان‌لاریندا اولا‌جاق‌لارینی بیلدیریب.
جمهور باشقانی اردوغان قوزیی قیبریس تورک جمهوریتینه رسمی سفری چرچیوه‌سینده لفکوشا-داکی بویوک خاندا گنج‌لرله گؤروشوب.
جمهور باشقانی اردوغان چیخیشیندا گنج‌لرین تورکیه-ده و قوزیی قیبریس تورک جمهوریتینده هدف‌لرینه اینام، بیلیک، انرژی و عزمله چاتا‌جاق‌لارینی بیلدیره‌رک دئییب: "قیبریس-دا آپاردیغینیز هر موباریزه‌ده دونن نئجه یانینیزدا اولدوغوموز کیمی، بو گون ده سیزینله اولاجاغیق و صاباح دا سیزینلییک. عینیله بؤیوک و گوج‌لو تورکیه کیمی گوج‌لو قوزیی قیبریس تورک جمهوریتی‌نین اینشاسینی دا تاماملایاجاقسینیز" .
تورکیه-نین قیبریس-دا هئچ کسین حاقیندا، حقوقوندا مال یندا، گله جگینده گؤزو اولمادیغینی وورغولایان دؤولت باشچی‌سی بون‌لاری سؤیله‌ییب: "بیز یالنیز اؤز حقوق‌لاریمیزی قوروماق، اؤز گله جگیمیزی قورماق اوچون موباریزه آپاریریق. داواملی وعدلرینی پوزان‌لاری، داواملی امکداش‌لیق‌دان یایینان‌لاری، داواملی ارکؤیونلوک ائدن‌لری قورویان‌لار آخیردا بورا‌داکی فضیلت‌لی موضعی گؤره‌جک، قبول ائده‌جک و لازیم اولانی ائده‌جک‌لر. او گونه قدر هامیمیز حقوق‌لاریمیزی الده ائتمک اوچون یورولما‌دان چالیشاجاغیق و موباریزه آپاراجاغیق".
جمهور باشقانی رجب طیب اردوغان قوزیی قیبریس تورک جمهوریتینده‌کی گؤروش‌لرینی باشا وورا‌راق جولای‌ین 20-ده آخشام راده‌لرینده وطنه قاییدیب.
