بایراموو: ارمنیستان بؤلگه‌نی مینلرله زهرله‌دی
"ساواش سونراسین‌داکی سون ۷ آیدا ۲۸ آذربایجان وطنداشی مین پاتلاماسی نتیجه‌سینده حیاتینی ایتیردی"
آذربایجان خاریجی ایشلر باخانی جیحون بایراموو، ارمنستانین بیر زامانلار ایشغال آلتین‌دا توتدوغو آذربایجان تورپاقلارینا جدی ائکولوژیک ضرر وئردیگینی؛ ۵۴ مین ۳۰۰ هکتار اورمانلیق ساحه‌نی یوخ ائتدیگینی سؤیله‌دی.
باخان بایراموو، آذربایجاندا اولان قیرقیزیستان خاریجی ایشلر باخانی روسلان کازاربایئوله تشکیل ائتدیگی اورتاق مطبوعات توپلانتیسین‌دا، ارمنستان ایشغالین‌دان قورتاریلان تورپاقلارا باغلی دانیشدی.
آذربایجان دؤولتینین باشلیجا وظیفه‌سینین، ایشغال‌دان قورتاریلان تورپاقلارین آباد ائدیله‌رک کؤچنلرین یوردلارینا گئری دؤنمه‌سی اولدوغونو بیلدیره‌ن بایراموو، قارشیلاشدیقلاری ان جدی پروبلئمین، بؤلگه‌ده‌کی مین تهلوکه‌سی اولدوغونو وورغولادی.
بایراموو، ارمنیستانین ایشغال دؤورون‌ده بؤلگه‌نی مینلرله زهرله‌دیگینی، ساواش سونراسین‌داکی سون ۷ آیدا ۲۸ آذربایجان وطنداشینین مین پاتلاماسی نتیجه‌سینده حیاتینی ایتیردیگینی، ۱۲۰دن چوخ انسانین یارالاندیغینی بیلدیردی.
ارمنستانین فرق‌لی بهانه‌لرله مین خریطه‌لرینی وئرمه‌دیگینی سؤیله‌یه‌ن بایراموو،
"اولوسلارآراسی آراچیلارین گیریشیملریله آغدام بؤلگه‌سینین مین خریطه‌سینی وئردیلر. اؤزلرینین وئردیگی بیلگیلره گؤره، یالنیز آغدامدا ۹۷ مین‌دن چوخ مین وار" دئدی.
