اردوغان: قاراباغ ظفری عدالتین ظفریدیر
"تورک ملتینه قالمایان بهتانلارلا چامور آتانلار اؤنجه قافقازلارا، آذربایجانا باخمالی"
جمهورباشقانی رجب طیب اردوغان، تورکیه‌نین بوتون ایمکانلارییلا بو گون اولدوغو کیمی یارین دا آذربایجانین یانیندا یئر آلاجاغینی سؤیله‌دی.
اردوغان، آذربایجان ملی مجلسینه خطابین‌دا،
"قافقازلارداکی باریش و دینج‌لیک‌دن تک آذربایجان دئییل ارمنستان دا داخیل اولماق اوزره بوتون بؤلگه اؤلکه‌لری، دونیا قازانجلی چیخاجاق. قالیجی باریشا گئدن یولون، بؤلگه‌ده‌کی بوتون خالقلارین، دؤولتلرین قارشیلیق‌لی گووه‌ن تملین‌ده گلیشدیره‌جکلری ایش بیرلیکلرین‌دن گئچدیگینه اینانیریق" دئدی.
جمهورباشقانی اردوغان،
"بو گون بوتون ایمکانلاریمیزلا آذربایجانین یانینداییق. بوتون دونیا بیلسین کی یارین دا یانیندا اولاجاغیق" دئیه دانیشدی.
"تورک ملتینه قالمایان بهتانلارلا چامور آتانلار اؤنجه قافقازلارا، آذربایجانا باخمالی" دئیه‌ن رجب طیب اردوغان، بئله دانیشدی:
"سونرا وجدانلاری ال وئرسه یؤنلتدیکلری اتهاملاری اؤزلریله آیریجا دانیشاریق. مدنیت ایله ونداللیق آراسین‌داکی فرقی گؤرمک ایسته‌یه‌ن، گلسین قاراباغ‌دا ایکی دؤنم آراسین‌داکی فرقه باخسین".
جمهورباشقانی اردوغان، بو ایل آذربایجانین مدنیت باشکندی اولان شوشانی گله‌جک ایل ده 'تورک دونیاسی مدنیت باشکندی' اولاراق گؤرمک‌دن سئوینج دویاجاقلارینی سؤیله‌دی.
"(قاراباغ ظفری) بو ظفردن کیمسه راحاتسیز اولماسین چونکو بو، ییخیمین دئییل تیکیمین، ظلمون دئییل عدالتین ظفریدیر" ایفاده‌سینی ایشلدن اردوغان، بونلاری سؤیله‌دی:
"قاراباغ عینی زامان‌دا دونیانی اؤز سیاسی و اقتصادی احتراصلارینین میدانی اولاراق گؤره‌نلرین حسابلارینین پوزولدوغو یئردیر. بیر داها قافقازین بوینونا کیمسه‌نین اسارت زنجیری وورا بیلمه‌مه‌سی اوچون اؤنوموزه چیخان فرصتلری بیرلیک‌ده، ان یاخشی شکیل‌ده دگرلندیرمه‌لی‌ییک".
اردوغان،
"ناخچیوانلا باکینی بیر-بیرینه باغلایاجاق زنگه‌زور کوریدورونون بؤلگه‌میزه گتیرجگی راحتلامانین و زنگینلیین تعریفی ممکن دئییل. زنگه‌زور کوریدورون‌داکی دمیر یولویلا ارمنیلر ده آسانجا موسکوایا و دونیایا چاتابیله‌جک، بئله‌جه اؤز اؤزلرینه اویغولادیقلاری قوشاتمادان قورتولابیله‌جکلر" دئدی.
جمهورباشقانی اردوغان،
"ارمنستان آذربایجانلا پروبلئملرینی حل ائتدیکجه تورکیه اولاراق بیز ده لازیم اولان آددیملاری آتاجاغیق" ایفاده‌سینی ایشلتدی.
ایلگیلی‌لی خبرلر
تورکیه-آذربایجان بیلیم‌یوردو قورولور
جمهورباشقانی علییئو، "تورکیه-آذربایجان بیلیم‌یوردونون قورولماسینا باغلی آنلاشما متنی"نه اونای وئردی
