آذربایجان، شهید ساییسی ایله ایلگیلی سون بیلگیلری پایلاشدی

آذربایجان ساوونما باخانلیغی، قاراباغ ساواشینداکی جان ایتکینلریله ایلگیلی بیلگیلری گونجلله‌دی

1658068
آذربایجان، شهید ساییسی ایله ایلگیلی سون بیلگیلری پایلاشدی


آذربایجان اوردوسو، قاراباغدا تورپاقلارینی ایشغال‌دان قورتارماق اوچون ایجرا ائتدیگی عملیات‌دا ۲ مین ۹۰۴ شهید وئردی.

آذربایجان ساوونما باخانلیغیندان وئریلن آچیقلامادا، ۲۷ سپتامبر ۲۰۲۰ده باشلایان و ۱۰ نوامبر ۲۰۲۰ده ارمنستانین مغلوبیتی قبول ائد‌ن آنلاشمایا امضا آتماسییلا سونا چاتان ساواشداکی جان ایتکینلریله ایلگیلی بیلگیلری گونجلله‌دیگی ایفاده ائدیلدی.

آچیقلامادا، داها اؤنجه ۲ مین ۹۰۰ اولاراق آچیقلانان شهید ساییسینین، بعضی جنازه‌لرین تاپیلماسی و کیملیکلرینین معین اولونماسییلا ۲ مین ۹۰۴ اولدوغو ایفاده ائدیلدی. ۱۰ عسگرین ده ایتکین اولدوغو بیلدیریله‌ن آچیقلامادا، دفن ائدیله‌ن شهید عسگرلرین آدلارینا یئر وئریلدی.

آذربایجان اوردوسونون ۲۷ سپتامبر ۲۰۲۰ده باشلاتدیغی عملیات‌دا ۵ شهر مرکزی، ۴ قصبه و ۲۸۶ کند قورتاریلمیش، بونون اوزرینه ارمنستان مغلوبیتی قبول ائتمیش و ایشغال آلتین‌داکی آغدام، لاچین و کلبجر ائللرینی ده بوشالداجاغینی تعهد ائد‌ن آنلاشمانی امضالایمیشدی.

ارمنستان اوردوسو، ۲۰ نوامبر ۲۰۲۰ده آغدامدان، ۲۵ نوامبر ۲۰۲۰ده کلبجردن و ۱ دسامبر ۲۰۲۰ده لاچین‌دان چکیلمیشدی.



ایلگیلی‌لی خبرلر