پاشینیان: خریطه‌لرین کیچیک بیر بؤلومونو وئردیک
"مینلی اراضیلرین خریطه‌لرینی وئردیک و بونلارین اؤنملی اولمادیغینی دئیه‌بیلمرم"
ارمنستان باش باخانی نیکول پاشینیان، آذربایجانا، مینلی اراضیلره عاید خریطه‌لرین کیچیک بیر بؤلومونو وئردیکلرینی سؤیله‌دی.
پاشینیان، ارمنستانین آذربایجان سرحدینه دؤشه‌دیگی ۹۷ مین مینین خریطه‌لری قارشیلیغین‌دا آذربایجان‌دا گؤزآلتینداکی ۱۵ ارمنستانلی‌نین قایتاریلماسینی یغوارد شهرین‌ده تشکیل ائتدیگی میتینگ‌ده دگرلندیردی.
ارمنستان‌دا مخالیفتین، آذربایجانا بوتون مین تارلالارینا عاید خریطه‌لری وئردیگینه دایر اؤزونو تنقید ائتدیگینی ایضاح ائد‌ن پاشینیان،
"مینلی اراضیلرین خریطه‌لرینی تسلیم وئردیک و بونلارین اؤنملی اولمادیغینی دئیه‌بیلمرم اما بو، الیمیزده‌کی خریطه‌لرین کیچیک بیر قیسمی" ایفاده‌سینی ایشلتدی.
پاشینیان، بنزر بیر دییشیمین دسامبر ۲۰۲۰ده ده ائدیلدیگینی ایفاده ائد‌رک،
"آنجاق بو خریطه‌لر، ارمنستانین و یا آذربایجانین مؤوضعلرینی پایلاشمیر. سؤز قووسو خریطه‌لر، آذربایجان یاخینلارین‌دا اولانلاری گؤستریر" دئدی.
آذربایجان خاریجی ایشلر باخانلیغی، دونن وئردیگی آچیقلامادا، ارمنستانین بیر زامانلار ایشغال آلتین‌دا توتدوغو آغدام ولایتینده دؤشه‌دیگی ۹۷ مین مینین خریطه‌لری قارشیلیغین‌دا آذربایجان‌دا گؤزآلتینداکی ۱۵ ارمنستانلی‌نین قایتاریلدیغینی بیلدیرمیشدی.
