ارمنستان، آذربایجان مؤوضعلرینه آتیش ائدیر

"بابک ائلچه‌سی آشاغی بوُزقوو یاشاییش منطقه‌سی یاخینلیغین‌دا یئرلشه‌ن مؤوضعلریمیز ارمنستان سلاحلی قوه‌لرینین بیر نئچه ایستیقامت‌ده ائتدیگی آتیشا معروض قالدی"

1647371
ارمنستان، آذربایجان مؤوضعلرینه آتیش ائدیر

 

ارمنستان آتیش‌کسی پوزمایا داوران ائدیر.

 

آذربایجان جمهورتی ساوونما باخانلیغی، ارمنستان سلاحلی گوجلرینین، ناخچیوان ایستیقامتین‌ده‌کی مؤوضعلره آتیش ائتدیگینی بیلدیردی.

 

آذربایجان جمهوریتی ساوونما باخانلیغینین یاییملادیغی بیلدیریده،

 

"می آیینین ۲۷سیندن ۲۸ینه گئچه‌ن گئجه عرضین‌ده ناخچیوان اؤزارک جمهوریتینین بابک ائلچه‌سی آشاغی بوُزقوو یاشاییش منطقه‌سی یاخینلیغین‌دا یئرلشه‌ن مؤوضعلریمیز ارمنستان سلاحلی قوه‌لرینین بیر نئچه ایستیقامت‌ده ائتدیگی آتیشا معروض قالدی. 

 

نتیجه‌ده حربی قوللوقچو عسگر مرادوو ائلخان ایلهام اوغلو چیگنین‌دن یارالاندی. یارالی عسگریمیزه درحال ایلکین طبی یاردیم گؤستریله‌رک خسته‌خانایا آپاریلدی. حربی قوللوقچوموزون حیاتی اوچون هئچ بیر تهلوکه یوخ‌دور. 

 

ساوونما باخانلیغی یارالی عسگرین تئزلیکله شفا تاپماسینی دیله‌ییر.

 

اوردونون بؤلمه‌لرینین جاواب آتیشی ایله قارشی طرف سوسدورولدو. عملیات شرایطی آذربایجان اوردوسونون تام کنترلو آلتین‌دادیر.

بیلدیریریک کی، ارمنستان-آذربایجان دؤولت سرحدینین ناخچیوان ساحه‌سین‌ده وضعیتین نیسبی گرگینلشدیریلمه‌سینه گؤره مسئولیت تام شکیل‌ده ارمنستانین اوزرینه دوشور. ارمنستان طرفینی تخریباتلار تؤرتمک‌دن، وضعیتین گرگینلشمه‌سینه سبب اولاجاق دیگر آددیملاردان چکینمه‌یه و مسئولیت‌لی داورانماغا چاغیریریق".



ایلگیلی‌لی خبرلر