سیامک سیفی ۲ ایل حبس جزاسینا محکوم ائدیلدی
تورک آکتیویست، ایرانین ارمنستانا سلاح و لجستیک دستک وئردیگی ادعاسی ایله گرچکلشن اعتراض سیراسیندا گؤزآلتینا آلینمیشدی
مشگین شهرده یاشایان آذربایجانلی آکتیویست سیامک سیفی، ۱۴۰۰/۰۲/۳۰ تاریخلی بیر تبلیغده "عمومی نظمی پوزماق اوچون توپلانما" سوچلاماسییلا ایکی ایل حبس جزاسینا محکوم ائدیلدی.
سوسیال مئدیادا پایلاشیلان قرارین متنینه گؤره سیفی، اسلامی جزا قانونونون ۶۱.جی مادهسینه اویغون اولاراق، چکدیگی حبس مدتی ده داخیل اولماق اوزره ایکی ایل حبس جزاسینا محکوم ائدیلدی.
سیامک سیفی، دیگر تورک آکتیویست آیدین ذاکری ایله بیرلیکده، ۱۳۹۹ ایلی ۱۸ مهر بازار گونو مشگین شهرده، ایرانین ارمنستانا سلاح و لجستیک دستک وئردیگی ادعاسی ایله گرچکلشن اعتراض سیراسیندا گؤزآلتینا آلینمیش، داها سونرا یارغیلانماق اوزره وثیقه قراری ایله سربست بوراخیلمیشدی.
تورک آکتیویستین داها اؤنجه ده گؤز آلتینا آلیندیغی بیلدیریلیر..
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.