شوشا، آذربایجانین کولتور باشکندی اولدو

"شوشا تکجه شوشالی‌لار اوچون یوخ، بوتون آذربایجان‌لی‌لار اوچون، وطنینی، میللتینی سئوه‌ن هر بیر وطنداشیمیز اوچون عزیز بیر قالادیر"

1636169
شوشا، آذربایجانین کولتور باشکندی اولدو


ارمنیستان ایشغالین‌دان قورتاریلان شوشا شهری، آذربایجانین رسمی اولاراق کولتور باشکندی اولدو.

اسپوتنیک‌ین خبرینه گؤره، آذربایجان جمهورباشقانی ایلهام علی‌یئو، شوشانین، اؤلکه‌نین مدنیت باشکندی اولاراق اعلان ائدن فرمانی ایمضالادی.

فرمان‌دا، 

"شوشادا قامو یؤنتیمینین و یاسال یوخلامانین داها دا یاخشیلاشدیریلماسی، یالنیز شهرده‌کی تاریخی و مد‌نی میراثین یئنی‌لنمه‌سینه و قورونماسینا خیدمت ائتمکله قالمایاجاق، عینی زامان‌دا شهرین داواملی گلیشمه‌سی اوچون لازیم اولان شرطلری یاراداجاق" دئییلدی.

آذربایجان یؤنتیمینین فرمانلا شوشا شهرینین تاریخی گؤرکمینی یئنی‌دن جانلاندیرماغی و شوشانی عصرلر بویونجا آذربایجانین زنگین مدنیتینین، معمارلیغینین و شهر پلانلاماسینین پارلایان اینجی‌سی اولاراق اولوسلارآراسی صحنه‌ده تانیتماغی آماجلادیغی وورغولاندی.

آذربایجان اوردوسو، شوشانی ۸ نوامبردا ارمنیستان ایشغالیندان قورتارمیشدی.

پرزیدنت علی‌یئو، ژانویه آیین‌دا وئردیگی آچیقلامادا، شوشانی مدنیت باشکندی اعلان ائدجگینی بیلدیرمیشدی.



ایلگیلی‌لی خبرلر