تورکیه سمرقند‌ده کونسوللوق آچیر

"ایکی قارداش اؤلکه آراسین‌دا دیپلوماتیک ایلیشکیلرین قورولماسینین ۲۹.جو ایلینده سمرقند باش کونسوللوغوموزون آچیلماسی ایله باغلی خوش خبری وئردیگیمیز اوچون آیریجا سئوینجلی‌ییک"

1595314
تورکیه سمرقند‌ده کونسوللوق آچیر

تورکیه اؤزبکیستانین سمرقند شهرین‌ده کونسوللوق آچیر.

تورکیه‌نین داشکندده‌کی ائلچیسی اولگان بئکار، سمرقندده آچیلاجاق باش‌کونسوللوق ایله باغلی،

"تورکیه جمهوریتی، اؤزبکیستانین باغیمسیزلیغینی۱۹۹۱.جی ایلده تانییان ایلک اؤلکه‌لر اولاراق عینی زامان‌دا داشکندده ایلک ائلچیلیگینی آچان دؤولت‌دیر. بونون وئردیگی تاریخی مسئولیتله تورکیه‌، اؤزبکیستان‌دا باش کونسوللوق آچیما قرارینی وئرن ایلک اؤلکه اولموشدور" دئدی.

اؤزبکیستانا یئنی ائلچی تعیین اولونان بئکار، خاریجی ایشلر باخانی مؤولود چاووش‌اوغلونون ایشتیراکی ایله ۷ مارس‌دا آچیلاجاق سمرقند باش کونسوللوغو ایله باغلی بیر آچیقلاما وئردی.

اولگان بئکار، تورکیه ایله اؤزبکیستان ایلیشکیلرینده پرزیدنت رجب طیب اردوغان و اؤزبکیستان پرزیدنتی شؤوکت میرضیایئو لیدئرلیگینده بؤیوک آددیملار آتیلدیغینی وورغولایاراق،

"سمرقندده آچیلاجاق تورکیه جمهوریتی باش کونسوللوغو ایکی‌لی ایلیشکیلریمیزده یاشانان بو مثبت پروسه‌ده یئنی بیر آشاما اولاجاق. سیاسی، اقتصادی، مدنی، تیجاری و بشری ایلیشکیلریمیز باشدا اولماق اوزره بوتون ساحه‌لرده گوجلو قارداشلیق باغلارینا دایالی استراتژیک اورتاقلیق سویه‌سین‌ده‌کی ایکی اؤلکه ایلیشکیلرینه اؤنملی قاتقیلار وئره‌جک. ایکی قارداش اؤلکه آراسین‌دا دیپلوماتیک ایلیشکیلرین قورولماسینین ۲۹.جو ایلینده سمرقند باش کونسوللوغوموزون آچیلماسی ایله باغلی خوش خبری وئردیگیمیز اوچون آیریجا سئوینجلیییک" دئدی.

ائلچی بئکار،

"اؤزبکیستان و تورکیه‌ آراسیندا ابدی دوستلوق و قارداش‌لیق باغلارینین بیرنشانه‌سی اولاجاق سمرقند باش کونسوللوغوموزون ایکیلی ایلیشکیلریمیزه و خالقلاریمیزا یؤنه‌لیک دیرلی خیدمتلر گؤستره‌جگینه اورک‌دن اینانیرام" ایفاده‌لرینی ایشلتدی.



ایلگیلی‌لی خبرلر