بو گون قیرغیزیستان‌دا بایراق گونودور

جمهورباشقانی جاپاروو، قیرمیزی بایراغین اؤلکه‌نین مستقیللیگینی و اؤزگورلوگونو سیمگه‌له‌دیگینی، قیرغیزلارین معنوی دگرلرینی و تاریخی یولونو عکس ائتدیردیگینی وورغولادی

1594317
بو گون قیرغیزیستان‌دا بایراق گونودور

قیرغیزیستان‌دا ۳ مارس دؤولت بایراغی گونو موناسیبتی ایله اؤلکه‌ده رسمی تؤره‌نلر تشکیل ائدیلدی.

باشکند بیشکئک‌ده‌کی بایراق مراسمی آلا-توو میدانین‌دا ائدیلدی.

ملی مارشینین اوخونماسی ایله باشلایان مراسیم‌ده دانیشان بیشکئکین گئچیجی بلدیه باشقانی باکتی‌بک کودای‌برگنوو،

"پارلمان ۲۹ ایل اؤنجه ۳ مارس ۱۹۹۲ده قیرغیزیستان دؤولت بایراغینی قبول ائتدی. بایراق ایلک دفعه مستقیل قیرغیزیستان‌دا ۵ مارس ۱۹۹۲ده یوکسلدیلدی. بایراغی ائدیل آیداربکوو، بک‌بوسون ژایچی‌بکوو، سابیر ایپتاروو، ژوسوپ ماتایئو و مامات‌بک سیدیکوو کیمی شخصلر حاضیرلادی. دؤولت بایراغی گونو، ۲۰۱۰ ایلینده‌ن بری رسمی تدبیرلر ایله قوتلانیر" دئدی.

قازاخیستانین باشکندی نور سلطانا رسمی سفری چرچیوه‌سین‌ده گؤروشمه‌لرینی داوام ائتدیره‌ن پرزیدنت سادیر جاپاروو دا ۳ مارس دؤولت بایراغی گونو مناسبتی ایله یاییملادیغی مئساژدا، قیرمیزی بایراغین اؤلکه‌نین مستقیللیگینی و اؤزگورلوگونو سیمگه‌له‌دیگینی، قیرغیزلارین معنوی دگرلرینی و تاریخی یولونو عکس ائتدیردیگینی وورغولادی.

آتالارینین گله‌نک‌لرینی داوام ائتدیره‌رک اؤلکه‌نین گله‌جگی اوچون تک بیر بایراق آلتین‌دا بیرلشمه‌سی لازیم اولدوغونو وورغولایان جاپاروو، خالقی دؤولت بایراغی گونو موناسیبتی ایله تبریک ائتدی.

دؤولت بایراغی گونو موناسیبتی ایله وطنداشلارینی تبریک ائد‌ن باشباخان اولوک‌بک ماریپوو ایسه بایراغین هر بیر وطنداشین غرورو اولدوغونو و وطن‌سئورلیگین روحونو و دؤولته قارشی سئوگی روحو داشیدیغینی سؤیله‌دی.

قیرغیزیستان بایراغی قیرمیزی رنگ‌لی، اورتاسیندا قیرخ ایشین‌لی ساری بیر گونش‌، گونش‌ین ایینده قیرغیزلار اوچون معنالی اولان که‌چه چادیرین تاوانین‌داکی "توندوک" دئییلن بیر موتیودن اولوشور.



ایلگیلی‌لی خبرلر