"تورکیه، آذربایجان و تورکمنیستان آراسین‌داکی ایلیشکی‌لر اورتاقلیغا چئوریلدی"

تورکیه، آذربایجان و تورکمنیستان خاریجی ایشلر باخانلاری، جمهورباشقانلیغیندا اورتاق بیر مطبوعات توپلانتی‌سی تشکیل ائتدی

1589408
"تورکیه، آذربایجان و تورکمنیستان آراسین‌داکی ایلیشکی‌لر اورتاقلیغا چئوریلدی"

خاریجی ایشلر باخانی مؤولود چاووش‌اوغلو، تورکیه، آذربایجان و تورکمنیستان آراسین‌دا اؤزل باغلار اوزرین‌ده قورولان ایلیشکی‌لرین بو گون هر طرف‌لی بیر اورتاقلیغا چئوریلدیگینی ایفاده ائتدی.

چاووش‌اوغلو، تورکمنیستان خاریجی ایشلر باخانی راشید مَرَدوو و آذربایجانین خاریجی ایشلر باخانی جیحون بایراموو، تورکیه-آذربایجان-تورکمنیستان اوچلو خاریجی ایشلر باخانلاری ۵.جی توپلانتیسینین آردین‌دان جمهورباشقانلیغیندا اورتاق بیر مطبوعات توپلانتی‌سی تشکیل ائتدی.
 چاووش‌اوغلو،

"تورکیه، آذربایجان و تورکمنیستان آراسین‌دا اؤزل باغلار اوزرین‌ده قورولان ایلیشکی‌لرین بو گون هر طرف‌لی بیر اورتاقلیغا چئوریلدی. ۲۰۱۴ده باشلاتدیغیمیز بو اوچلو مکانیزمیمیز بؤلگه‌نین چیچکله‌نمه‌ و ثابیتلیگینه چوخ اؤنملی قاتقی وئردی" ایفاده‌لردینی ایشلتدی.

توپلانتیدا بؤلگه‌سل باغلانتی، نقلیات و انرژی مسئله‌لرینین گونده‌مین باشین‌دا اولدوغونو ایفاده ائد‌ن چاووش‌اوغلو، گؤروشمه‌لرده ترورلا مباریزه، افغانیستان‌داکی گلیشمه‌لر و ایسلاموفوبی کیمی بیر چوخ بؤلگه‌سل و کوره‌سل قونولاری مذاکیره ائتمه فورصتی تاپدیقلارینی بیلدیردی.

باخان چاووش‌اوغلو، تورکیه‌نین ۲۰۱۹دا اعلان ائتدیگی "یئنی‌دن آسیا" گیریشیمی چرچیوه‌سینده آذربایجان و تورکمنیستان ایله یاخین‌ چالیشماق ایسته‌دیکلرینی وورغولادی.

آذربایجانین خاریجی ایشلر باخانی بایراموو ایسه، آذربایجان و تورکمنیستانین خزر دنیزینده بیرلیکده ایشلده‌جگی دوستلوق آدی وئریلن نفت و گاز یاتاغین تورکیه‌نین و باشقا آوروپا اؤلکه‌لرینین انرژی گوونلیگینه مثبت قاتقی وئره‌جگینی سؤیله‌دی.



ایلگیلی‌لی خبرلر