آذربایجان-دا "کووید-19"دان اؤلوم و یولوخما سایی (22 فوریه)

آذربایجان جمهوریتینده کوروناویروس انفکسیونوندان 75 نفر معالیجه اولونا‌راق ساغالیب، 72 یئنی یولوخما فاکتی قئیده آلینیب.

ناظیرلر کابینه‌سی یانیندا اوپراتیو قرارگاهدان وئریلن معلوماتا گؤره، "کووید-19" اوچون گؤتورولن آنالیز نمونه‌لری مثبت چیخمیش 4 نفر وفات ائدیب.

حاضیرکی دؤوردک اؤلکه‌ده 233 مین 201 نفرین کوروناویروس انفکسیونونا یولوخماسی فاکتی معین اولونوب. اونلاردان 227 مین 836 نفر معالیجه اولونا‌راق ساغالیب، 3202 نفر وفات ائدیب. آکتیو خسته سایی 2163 نفردیر.

اؤتن مدت عرضینده 2 میلیون 555 مین 58 تست آپاریلیب. بوگونکو تست سایی ایسه 3942-دیر.