اولوسلارآراسی آنادیلی گونو قوتلو اولسون!

منیم آنا دیلیم

منیم آنا دیلیم منیم کیملیگیم
پاسپورتوم، اوزومه اوز حاکیملیگیم
منی هم باباملا هم ده نوه‌مله
باغلاییب اوزانان تاریخ باغیم‌سان
دوننیم صاباحیم اوسته‌لیک هله
منیم اوز هونریم سوز بایراغیم‌سان
فرقینی بیلمه‌ییب آغلا قارانین
آدام وار بو دیلی یاد سایار بو گون
باباسی بو دیلده جبهه یارانین
اوزو اوزگه دیلده بانلایار بو گون
نه یارپاق نه کوله‌ک نه مئتال نه قوش
سسلنمیر اوخومور اوزگه دیلینده
بس سنه نه دوشوب آی دیلی یانمیش
یاد دیلده اؤتورسن اوز منزیلینده
ناموس‌دان بی‌خبر ویجدان‌دان اوزاق
وظیفه کورسوسو مرام‌دیر سنه
وطنین دیلینی سئومه‌ین آلچاق
وطنین چوره‌گی حارام‌دیر سنه
منیم منلیگیمین فوسونکارلیغی
دانیشان کمالی آغلی‌دیر دیلیم
میللتین وارلیغی یوردون وارلیغی
سنین وارلیغینا باغلی‌دیر دیلیم

بختیار واهاب‌زاده