آذربایجانین اؤزگورلوک شاعری بختیار واهابزاده وفاتینین ۱۲.جی ایلینده آنیلیر
"آذربایجان-تورکیه" شعری ایله ایکی اولکه قارداشلیغینی ان یالین، عینی زاماندا ان وورغولو دیلله آنلادان واهابزاده، وفاتینین ۱۲.جی ایلیند سادهجه آذربایجاندا دئییل، باشدا تورکیه اولماق اوزره بوتون تورک دونیاسیندا سایغییلا خاطیرلانیر
تورک دونیاسینین مشهور شاعری، آذربایجانین اؤزگورلوک سیمگهلریندن و آذربایجان - تورکیه دوستلوغو اوچون بؤیوک چابالار صرف ائدن بختیار واهابزاده، اؤلومونون ۱۲.جی ایلینده آنیلیر.
تورکیه جمهوریتی پرزیدنتی رجب طیب اردوغانین تئز تئز سسلندیردیگی "بیر آنانین ایکی اوغلو / بیر آماجین ایکی قولو / او دا اولو بو دا اولو / آذربایجان تورکیه" دیزهلرینین شاعری واهابزاده تکجه آذربایجاندا دئییل، باشدا تورکیهده اولماق اوزره بوتون تورک دونیاسیندا سئویلیر و سایغی ایله خاطیرلانیر.
باغیمسیزلیق و ایستیقلال دوشونجهلرینین گرچک معنادا قاداغان اولدوغو سووئتلر بیرلیگی دؤورونده اثرلرینده بو قاوراملاری اؤوهن،۱۹۸۰لی ایللرده مستقیللیک اوغروندا مباریزهنین اؤن صفلرینده اولان واهابزاده، بوتون آذربایجانلیلارین قلبینی فتح ائتدی.
آذربایجان تورکجهسینی ان یاخشی شکیلده قوللانمایا دقت گؤسترهن واهابزاده اثرلرینده خالقین دویغولارینی دیله گتیررک، اؤلکهسینده اؤزگورلوک سیمگهلریندن بیرینه چئوریلمیشدیر.
تورک دونیاسینین بؤیوک اوغوللاریندان بیری کیمی تاریخه دوشهن واهابزاده ۱۶ آوگوست ۱۹۲۵.جی ایلده آذربایجانین شکی شهرینده آنادان اولدو. ۹ یاشیندا عائلهسی ایله بیرلیکده باکییا کؤچهن واهابزاده ایلک و اورتا تحصیلینی بو شهرده باشا ووردو.
واهابزاده ۱۹۴۲.جی ایلده گیردیگی باکی دؤولت اونیوئرسیتهسینین فیلولوژی بؤلوموندن ۱۹۴۷-جی ایلده فارغ التحصیل اولدو، ائله بو بؤلومده اؤیرنجیلره خوجالیق ائتدی. ۱۹۶۴ده تاماملادیغی "صمد وورغونون یارادیجیلیق یولو" مونوگرافیسی ایله فیلولوژی دکترو عنوانینی آلان و ۱۹۸۰ده آذربایجان علملر آکادمیاسینین عضوو سئچیلهن واهابزاده، ۱۹۹۰.جی ایلده امکلییه چیخانا قدر اونیوئرسیتهده درس وئردی.
آذربایجانین آزادلیغی اوغروندا موباریزهدهکی خیدمتلرینه گؤره ایستیقلال نشانی اؤدوللندیریلدی
۱۹۸۰.جی ایللرین سونلاریندا آذربایجاندا باغیمسیزلیق مباریزهسی قیزیشاندا واهابزاده اؤن صفلرده یئر آلارکهن، یازیلاریندا و یوز مینلرله اینسانین ایشتیراک ائتدیی میتینگلردهکی چیخیشلاریندا خالقی سووئتلر بیرلیگینه قارشی دورماغا و مباریزه آپارماغا چاغیردی.
آذربایجان مستقیللیگینی قازاندیقدان سونرا اثرلری ایله خیدمتینی داوام ائتدیرهن و ایکی دؤنم میللت وکیلی سئچیلهن واهابزاده، اثرلرینده آذربایجان تورکجهسینی ان آری شکیلده ایستیفاده ائتمهیه قایغی گؤستردی و خالقینین حسلرینی دیله گتیردی. واهابزاده ۱۹۹۵.جی ایلده آذربایجانین آزادلیق مباریزهسیندهکی خیدمتلرینه گؤره ایستیقلال نشانی ایله اؤدوللندیریلدی.
اثرلری ۸دن چوخ دیله ترجومه اولونموش واهابزاده ۷۰دن چوخ شعر کیتابی، ۱۱ علمی اثر، ۲ مونوگرافی، پیئسلر و یوزلرجه مقاله یاییملاندی.
شعرلرینده وطن سئوگیسی، آنا دیلی، آزادلیق، میلت، عائله و حسرت مضمونلاری اولان واهابزادهنین ۱۵دن چوخ اثری تورکیهده یاییملاندی.
واهابزاده ۱۳ فوریه ۲۰۰۹دا باکیدا وفات ائتدی. شاعرین جنازهسی اؤلکهنین گؤرکهملی ادبیاتی، بیلیم آداملاری و سیاستچیلرینین مزارلارینین یئرلشدیگی فخری خیاباندا دفن ائدیلدی.
واهابزاده اثرلرینده تورک دیلینه، تورکیه-آذربایجان دوستلوغونا بؤیوک اؤنم وئردی.
ایلگیلیلی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوهسینده دؤولتین مولکیتینه گئچمیشدی