قاراباغ شهیدلرینین اوشاقلارینا تورکیه بورسلاریندان اؤزل سهمیه
"جان آذربایجانین قاراباغ ظفرینده شهید اولان قهرمانلارین اوشاقلارینا بو ایل تورکیه بورسلاری چرچیوهسینده اؤزل بیر سهمیه آییریریق"
آذربایجانین قاراباغ ظفری شهیدلرینین اوشاقلاری اوچون تورکیه بورسلاری چرچیوهسینده اؤزل سهمیه آیریلیر. یورددیشی تورکلر و قوهوم توپلولوقلار باشقانلیغی طرفیندن یئریدیلن و تورکیهده یوکسک اؤیرنیم امکانی سونان تورکیه بورسلاری چرچیوهسینده قاراباغ ظفرینده شهید اولان عسگرلرین اوشاقلارینا بو ایل اؤزل بیر سهمیه آییردی.
یورددیشی تورکلر و قوهوم توپلولوقلار باشقانی عبدالله ارنین سوسیال مئدیا حسابیندا آچیقلادیغی خبر آذربایجاندا دا بؤیوک دقت چکدی. عبدالله ارنین پایلاشیمیندا؛
"جان آذربایجانین قاراباغ ظفرینده شهید اولان قهرمانلارین اوشاقلارینا بو ایل تورکیه بورسلاری چرچیوهسینده اؤزل بیر سهمیه آییریریق" ایفادهلرینی ایشلتدی.
ارن آیریجا؛
'' تورکیه هر ساحهده اولدوغو کیمی تحصیل ساحهسینده ده قارداشینین یانیندا" آچیقلاماسینی پایلاشدی.
تورکیه جمهوریتینین تورک دونیاسی باشدا اولماق اوزره، دونیانین دؤرد بیر طرفیندن اولوسلارآراسی اؤیرنجیلر اوچون بورس پروگرامی اولان تورکیه بورسلاری، یورددیشی تورکلر و قوهوم توپلولوقلار باشقانلیغی بنیهسینده هر ایل مینلرجه باشاریلی اؤیرنجییه تورکیهده یوکسک اؤیرنیم ایمکانی سونور.
تورکیهده اؤیرنیم گؤروب فارغ التحصیل اولان اؤیرنجیلر، اؤلکهلرینده اؤنملی وظیفهلر اوستلنمک هم اؤلکهلرینه هم ده تورکیه ایله اؤلکهلری آراسینداکی ایلیشکیلره جدی قاتقی ساغلاییر.
تورک دونیاسیندا دا بوروکراسیدن سیاسته، ائگیتیمدن صنعته اؤنملی ساحهلرده یئر آلمیش تورکیه فارغ التحصیللری وار. مثلاً، گئچن جولای آییندا تووزدا ارمنیستانلا اولان ساواشدا شهید اولان آذربایجانلی ژنرال پولاد هاشیموو دا تورکیهدن ماذون اولموشدو.
اولوسلارآراسی اؤیرنجیلر اوچون اولان تورکیه بورسلارینا سون باشوورو تاریخی ۲۰ فوریه ۲۰۲۱. باشوورو و آیرینتیلار اوچون
"www.turkiyeburslari.gov.tr" آدرسینه باخابیلرسینیز.