قاراباغ‌دا مین فاجعه‌سی: ۱۴ آذربایجان‌لی حیاتینی ایتیردی

  داغلیق قاراباغ‌دا ساواشین بیتدیغی ۱۰ نوامبردان بو گونه قدر ارمنیستان گوجلرینین ایشغال دؤنمین‌ده دؤشه‌دیگی مینلرین پاتلاماسی نتیجه‌سین‌ده ۱۴ آذربایجان‌لی حیاتینی ایتیردی.
آذربایجان باش ساوچیلیغی، ارمنیستانلا آتیش‌کس آنلاشماسینین ایمضالاندیغی ۱۰ نوامبر ۲۰۲۰ده‌ن بری ایشغال‌دان قورتاریلمیش تورپاقلاردا مینلر سببی ایله جان ایتکیلرینه دایر بیلگیلری آچیقلادی.
آچیقلامایا گؤره، ساواشین بیتدیگی گوندن بری، ۵ عسگر ۹ مولکی وطنداش اولماق اوزره ۱۴ آذربایجان‌لی ارمنیلر طرفین‌دن قویولان مینلر سببی ایله حیاتینی ایتیردی. عینی دؤورده مین پاتلاماسی نتیجه‌سین‌ده ۵۲ عسگر و ۸ مولکی وطنداش یارالاندی.
باش ساوچیلیق، وطنداشلاری ایشغال‌دان قورتاریلمیش تورپاقلار تامامیله مینلردن تمیزلنه‌نه قدر گیرمه‌مه‌لری قونوسوندا اویاردی.