"آنار" و "سئوگی"یه ده کیملیک وئریلمیر

بیر مدت اؤنجه یاییملانان موسیقیچی سجاد جولانی‌نین قیزی "آییل" اوچون کیملیک آلامماما خبریندن سونرا، ایکی عایله داها بو سورونلا قارشی قارشییا اولدوغونو بیلدیردی.
ایران‌دا انسان حاقلاری آکتیوسیتلری خبر ارگانی هرانانین خبرینه گؤره، تبریزده بیر کؤرپه‌یه، دوغوموندان 70 گون گئچمه‌سینه باخمایاراق، عایله‌سینین سئچدیگی آد تورکجه اولدوغو گرکجه‌سی ایله کیملیک وئریلمیر.
تبریزین ثبت احوال اداره‌سی، فارسجا اولمادیغیندان دولایی "آنار" آدینین قویولماسی ایله مخالفت ائدیر. کؤرپه‌نین آتاسی سوسیال مئدیادا اوغلونا کیملیک آلابیلمه‌دیگی اوچون معالیجه و آشیلاما قونولاریندا سورون یاشادیقلارینی بیلدیردی.
عایله‌سینین "سئوگی" آدینی سئچدیکلری 1 آیلیق باشقا بیر کؤرپه ده بو سببدن دولایی هله کیملیگینه قووشموش دئییل. عایله، سئوگی آدینین داها اؤنجه باشقا اوشاقلار قویولدوغونو و کیملیک وئریلدیگینی بیلدیریر.
بیرلشمیش میلتلر اوشاق حاقلاری سؤزلشمه‌سی‌نین 7.جی بندینه گؤره،
"اوشاغین دوغومو، دوغومدان همن سونرا ثبت ائدیلیر و بیر آدینین اولماسی، تابعیت و والدین حمایه‌سی کیمی حاقلارا صاحبدیر".