آذربایجانین قهرمان‌لیق تاریخینین ۲۰ یانوار صحیفه‌سی
آذربایجان خالقی: «من وارام، یاشاییرام، آزادام، وطنیمین بیر پارچاسینی دا هئچ کیمه وئرمره‌م» دئیه باغیردی او گئجه بوتون دونیایا
آذربایجانین اؤز اگمنلیگی اوغرون‌دا ایلک شهیدلرینی وئردیگی قانلی یانوار فاجعه‌سین‌دن ۳۱ ایل اؤتور.
۱۹۹۰.جی ایل ۱۹ ژانویه‌ده سووئت اتفاقی کمونیست پارتیسینین مرکزی کمیته‌سینین باش کاتیبی میخائیل گورباچوو سووئت آنایاساسینین ۱۱۹.جو، آذربایجان سووئت آنایاساسینین ۷۱.جی ماده‌لرینی پوزاراق، ژانویه‌نین ۲۰سیندن باکی‌دا فؤوقالعاده وضعیت اعلان ائدیلمه‌سی حاقین‌دا فرمان ایمضالادی.
آذربایجانین اؤز اگمنلیگی اوغرون‌دا شهیدلر وئردیگی قانلی یانوار فاجعه‌سین‌دن ۳۱ ایل اؤتور.
ژانویه‌نین ۱۹دان ۲۰سینه گئچه‌ن گئجه آذربایجانا قارشی اراضی ادعالاری ایر‌لی سوره‌ن ارمنیستانین سالدیرقان حرکتلرین‌دن و گئچمیش سووئت رهبرلیگینین اونلارا هاوادارلیغین‌دان اؤفکه‌لنه‌ن، باکینین کوچه‌لرینه و میدانلارینا چیخاراق بونا اؤز قطعی اعتراضینی بیلدیره‌ن گئنیش خالق کوتله‌لرینه قارشی سووئت اوردوسونون ساواش بیرلیک‌لری یئریدیلدی.
گورباچووون فرمانی قوه‌یه میننه دک آرتیق ۹ نفر اؤلدورولموش‌دو.
باکی‌دا فؤوقالعاده وضعیتین اعلان اولونماسی حاقین‌دا معلومات اهالییه یالنیز یانوارین ۲۰سینده سحر ساعت ۷ده رادیو ایله چاتدیریلدی. بو ساعاتا قدر اؤلدوروله‌نلرین ساییسی ۱۰۰ نفره چاتمیشدی. بئله کی، آرتیق یانوارین ۲۰سینده ۱۳۱ اینسان اؤلدورولموش: اونلاردان ۱۱۷-پسی آذربایجان‌لی، ۶-سی روس، ۳و یهودی، ۳و تاتار؛ ۷۴۴ نفر آغیر خسارت آلمیش؛ ۴ شخص ایتکین دوشموش؛ ۴۰۰ نفر ایسه حبس ائدیلمیشدی. سووئت قوشونلاری فؤوقالعاده وضعیت اعلان اولونمایان بؤلگه‌لره- یانوارین ۲۵ینده نئفتچالایا، بیر گون سونرا ایسه لنکرانا یئریدیلمیش، نتیجه‌ده هر ایکی بؤلگه‌ده دینج اینسانلار قتله یئتیریلمیشلر. بئله‌لیکله، سووئت قوشونلارینین باکی‌یا و آذربایجانین باشقا بؤلگه‌لرینه حربی موداخیله‌سی نتیجه‌سین‌ده اؤلدوروله‌ن اینسانلارین ساییسی رسمی اولاراق ۱۴۷یه چاتمیشدی.
۲۰ یانوار آذربایجانین تاریخینه قانلی حرفلرله یازیلدی. بو، خالقین تاریخی بویو اوزلشدیگی ان آمان‌سیز، ان آغری‌لی فاجعه‌لردن بیری کیمی یادداشلارا حک اولدو. آنجاق بو گونو یالنیز فاجعه، یاس و یا کدر گونو کیمی دگر‌له‌ن‌دیرمک آذربایجان خالقینا قارشی بؤیوک بیر عدالت‌سیزلیک اولار. چونکو بو «قارا یانوار» گونو عینی زامان‌دا، خالقین عصرلرله داوام ائد‌ن آزادلیق موباریزه‌سینین ان اوجا ذیروه‌لرین‌دن بیرینه ده چئوریلدی، میلی منلیگین میللتین حیاتینا مؤهور ووردوغو گون اولدو. او مودهیش گئجه تانکلارین، سلاحلارین سسینی باتیران بیر هایقیرتی ائشیدیلدی آذربایجانین دؤرد بیر گوشه‌سین‌دن. آذربایجان خالقی: «من وارام، یاشاییرام، آزادام، وطنیمین بیر پارچاسینی دا هئچ کیمه وئرمره‌م» دئیه باغیردی او گئجه بوتون دونیایا.
محض بونون نتیجه‌سین‌ده آذربایجان خالقی اوزون ایللردن بری آرزوسون‌دا اولدوغو موستقیللیینه قوووش‌دو و آذربایجان اگمن بی دؤولت اولدو.
