آذربایجانلی 5 آکتیویسته داها حبس و قیرباج جزاسی وئریلدی
تبریز محکمهسی، تورک آکتیویستلر یاسمن ظفری، حکیمه احمدی، رحیم ساسانی، سعدالله ساسانی و مهدی پورعلی خرمالویا حبس و قامچی جزاسی وئردی
آذربایجانلی 5 آکتیویسته داها حبس و قیرباج جزاسی وئریلدی.
تبریز محکمهسی 112.جی شعبهسی طرفیندن، تورک آکتیویستلر یاسمن ظفری، حکیمه احمدی، رحیم ساسانی، سعدالله ساسانی و مهدی پورعلی خرمالویا توپلام 5 ایل حبس و 300 ضربه قامچی جزاسی وئریلدی. بو جزا 4 ایل سوره ایله ارتهلنمیشدیر.
ایراندا انسان حاقلاری آکتیویستلری خبر اورگانی هرانانین خبرینه گؤره، "توپلومسال دوزنی پوزماق، یاسادیشی گؤستریلره قاتیلماق و مامورا مقاومت" سوچلاریندان آدی گئچن فعاللاردان هر بیرینه 1 ایل حبس و 60 قامچی جزاسی وئریلمیشدیر.
ارمنیستان اوردوسونون آذربایجانین توووز شهرینه تشکیل ائتدیگی سالدیریلاردان سونرا، تیر آیینین 26سیندا بیر گروه آکتیویست بو سالدیریلاری قیناماق و آذربایجانا دست وئرمک آماجی ایله آذربایجان جمهوریتینین تبریزدهکی کنسوللوق بیناسی اؤنونده توپلانمیشدی.
آدی گئچن آکتیویستلر بو دستک گؤستریسی سیراسیندا گؤزآلتینا آلینمیشدی.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.