3 مین 500 یوز ایللیک گئچمیشی اولان تورک خالچاسی: یاغجی‌بدیر
یوزده یوز قویون یونوندن توخونان و دوغاللیغی ایله بیلینن بو خالچالار، بیر سانتیمتر مربع‌ده 35 ایلمک ایله اوزون ایللر ساغلاملیغینی قورویور
ساکاریا بؤیوک شهر بلدیه‌سی، اورتا آسیادان کؤچن یؤروک‌لرین الده توخودوغو یاغجی‌بدیر خالچاسی گله‌نگی‌نی، گلن نسیللره منتقل ائتمک آماجی ایله، اوره‌تیم ایشلرینه باشلادی.
اورتا آسیادان کؤچن یؤروک‌لر طرفیندن بالیکسیرین سیندیرغی ائلچه‌سینده الده توخونان تقریباً 3 مین 500 یوز ایللیک گئچمیشی اولان یاغجی‌بدیر خالچاسی، سیندیرغی بلدیه‌سی آدینا ثبت ائدیلمیشدیر.
تورک قیزلارینین جهیزلرده یئرینی آلان، توخوما تکنیکلری آنادان قیزا گئجن یاغجی‌بدیر خالچاسی، یؤروک‌لرین عرف و عادتلرینین صنعته، هونره عکس اولونماسیدیر.
یوزده یوز قویون یونوندن توخونان و دوغاللیغی ایله بیلینن بو خالچالار، بیر سانتیمتر مربع‌ده 35 ایلمک ایله اوزون ایللر ساغلاملیغینی قورویور.
ایپلرینین بویانماسیندا دوغال کؤک بویالاری استفاده ائدیلدیگیندن خالچانین رنگلرینین جانلیلیغینی اوزون زامان قوروماسی ان اؤنملی اؤزللیکلریندن بیریدیر.
خالچا آدینی یای اوره‌تن و یایچی‌بدیر اولاراق بیلینن تورک اویماغیندان آلماقدادیر. یایجی‌بدیر زامانلا یاغجی‌بدیره دؤنوشموشدور.
