"باقرخانین ائوینی بلدیه‌یه وئرمه‌یه حاضیریق"

مشروطه قهرمانی باقرخانین اولدوغو بیلدیریلن تاریخی ائوین صاحبلری، داغیلمیش حالدا اولان بو ملکی بلدیه‌یه وئرمه‌یه حاضیر اولدوقلارینی بیلدیردی.
ایران خبر آژانسی ایرنانین خبرینه گؤره، تبریزین خیاوان محله‌سینده اولان بو ائوین 43 مالیکی وار و هامیسی تاریخی بینانی بلدیه‌یه وئرمه‌یه حاضیر اولدوقلارینی بیلدیریرلر.
مالیک‌لرین دئدیگینه گؤره داها اؤنجه بینانین آلیشی ایله باغلی دوغو آذربایجان کولتورل میراث قورومو و بلدیه آراسیندا آنلاشما اولسادا بو زامانا قدر هر هانسی بیر آددیم آتیلمامیشدیر.

بو شخصلره گؤره، تاریخی بینایا صاحب چیخیلماسی دوروموندا هم تاریخی اثر قورتاریلمیش اولاجاق هم ده تبریزین باییندیرلیغینا بیر قاتقی اولاجاقدیر.
تاریخی ائوین صاحیب چیخیلمازسا تاماماً داغیلاجاغیندان قایغی دویولور.
4600 مربع متر مساحتینده‌کی باقرخانا منتسب بو بینا، تبریزین تاریخی خیاوان محله‌سینین "سالار دربندی" کوچه‌سینده یئرلشیر.