"قاراباغ ظفری، تورکیه و آذربایجانین بیرلشمه کوریدورو اولدو"
پروفسور دکتر حالوک سَلوی: ایرانین دونیانین باسقیسی آلتیندا نفس آلاجاغی یئر تورکیهدیر، قاراباغ و آذربایجاندیر
ساکاریا اونیورسیتهسی تورک-ارمنی ایلیشکیلری آراشدیرما مرکزی مودورو پروفسور دکتر حالوک سَلوی آنادولو آژانسینا آچیقلاماسیندا، ارمنیستانین ساتاشمالاری و سالدیریلاری نتیجهسینده داغلیق قاراباغی قورتارماق اوچون عملیاتا باشلایان آذربایجانین غلبه قازاندیغینی خاطیرلاداراق، "باشاری۲۰ ایل اؤنجه ده قطعی ایدی، آنجاق اولوسلارآراسی حقوق آذربایجانی مشغول ائدرک، ارمنیستانی راضی ائتمه یولانا گئتدی" دئدی.
پروفسور دکتر سلوی، "تورکیه و آذربایجان ایکی دؤولت بیر میللت اولاراق بو بؤلگهدهکی اوستونلوکلرینی گؤستردیلر. ایران اؤنجه، تورکیهنین باشاریسیز اولماسی اوچون ارمنیستانا دستک اولدو. ایراندا یاشایان تورکلرین اعتراضلاری، ایرانا گئری آددیم آتدیردی" دئدی.
عملیاتین ایکینجی هفتهسینده ایرانین طرفسیز قالدیغینی ایفاده ائدن سلوی بئله داوام ائتدی:
"بو بیر ضرورت حالی اولدو. ۶ هفتهده گلن غلبه نتیجهسینده ۱ میلیون قاراباغ ساکینی آرتیق اؤز تورپاقلارینا قاییدابیلهجک. مسئلهنین ایکینجی بیر طرفی وار؛ ساواش ماسادا داوام ائدیر. ۱ میلیون قاراباغ کؤچکونونون قاییتماسی و اورادا بیر دۆزن قورولماسی باشقا بیر مسئله. بو بیر ظفردیر، موفقیتدیر، اما ایندی بونو دیپلماتیک اولاراق ظفره دؤنوشدورمک گرک. ماسادا، تورکیهنین بوتون اورتا آسیایا آچیلاجاق اولان دهلیزینی قوروماسی لازم. بو کوریدور؛، مدنیت، تیجارت و اورتا آسیایا آچیلما کوریدوردور. بو تورکیه ایله آذربایجانین بیرلشمه دهلیزیدیر".
"آذربایجان قاراباغا بؤیوک یاتیریملار یاتیرمالیدیر"
قاراباغدا قازانیلان غلبهنین قالیجی اولماسی اوچون آذربایجانداکی قاراباغلی کؤچکونلرین ان قیسا مدتده بورادا یئرلشمهلری لازیم اولدوغونو وورغولایان سئلوی، "۳۲ ایلدن بری، قاراباغدان آذربایجانین باشقا بؤلگهلرینه کؤچموش کؤچکونلر، ۱۰ ایل اذیت چکدیلر، اما سونرا آذربایجانین هر معنادا گوجلهنمهسی ایله بو کؤچکونلر ده یئرلشدیلر. ایندی بیر مهندسه، حکیمه، ایشچییه، درزی و یا باققالا "گلین، اسکی یئرینیزه قاییدین" دئییرسینیز. بو چتین بیر وضعیتدیر. بونا گؤره ده بو کؤچکونلرین اؤنجهکی یئرلرینه قاییتماسیندا کؤنوللولوک، گوونلیک و داواملیلیق اساسدیر. قاراباغدا بو اوچ شرط یئرینه یئتیریلسه، گئری دؤنمک حقیقتا غلبه ایله نتیجهلنهبیلر" دئدی.
"تورکیه و آذربایجان بؤلگهده گوون و دینجلیک ایستهییر"
حالوک سلوی، تورکیه و آذربایجانین بؤلگهده دینجلیک و امنیت ایستهدیگینی سؤیلهدی.
پرزیدنت رجب طیب اردوغانین بونو، آذربایجان اوردوسونون داغلیق قاراباغداکی غلبهسی اوچون تشکیل ائدیلهن مراسیمده سؤیلهدیگینی، آنجاق ایرانین بو وضعیتی فرقلی آلقیلادیغینی سؤیلهیهن سلوی، بئله دانیشدی:
"قاراباغ غلبهسی ایله آچیلان دهلیز ایله تورکیهنین ناخچیوان، قاراباغ و آذربایجانلا داها یاخین مدنی، سیاسی و اقتصادی ایش بیرلیگینه گیرمهسی و بؤلگهده گوجلو اولمالاری، ایرانی قایغیلاندیریر. ایرانین نیگرانلیقلاریندان بیری ده ایرانداکی تورکلرین بورایا میل ائتمهسی و تورکیه اوچون بیر سئوگی میدانا گلمهسیدیر. بو ایران اوچون بیر ریسک و بونو داشییابیلمیر. تورکیهنین ایرانلا پروبلئمی یوخدور. ایرانین دونیانین باسقیسی آلتیندا نفس آلاجاغی یئر تورکیهدیر، قاراباغ و آذربایجاندیر".