ایکی قارداش اؤلکه‌نین پرزیدنت‌لری شهیدلر خیابانینی و تورک شهیدلیگینی زیارت ائدیب‌لر

جمهور باشقانی رجب طیب اردوغان آذربایجانین ائرمنیستان طرفیندن ایشغال اولونموش اراضی‌لری‌نین آزاد ائدیلمه‌سینه حصر اولونان ظفر پارادینا قاتیلماق اوچون پایتاخت باکی-دا‌دیر.

1543207
ایکی قارداش اؤلکه‌نین پرزیدنت‌لری شهیدلر خیابانینی و تورک شهیدلیگینی زیارت ائدیب‌لر

جمهور باشقانی رجب طیب اردوغان آذربایجانین ائرمنیستان طرفیندن ایشغال اولونموش اراضی‌لری‌نین آزاد ائدیلمه‌سینه حصر اولونان ظفر پارادینا قاتیلماق اوچون پایتاخت باکی-دا‌دیر.

دسامبرین 9-دا بو اؤلکه‌یه گئدن جمهور باشقانی اردوغان اوولجه بو گون آذربایجان پرزیدنتی ایلهام علی یئوله بیرلیکده فخری خیابانا گله‌رک حیدر علی یئوین خاطره‌سینی احتیراملا یاد ائدیب‌لر.

دؤولت باشچی‌لاری اولو اؤندرین مزاری اؤنونه اکلیل‌لر قویوب‌لار.

داها سونرا تورکیه و آذربایجان پرزیدنت‌لری شهیدلر خیابانینی زیارت ائدیب‌لر.

دؤولت باشچی‌لاری شهیدلریمیزین عزیز خاطره‌سینی درین احتیراملا یاد ائدیب‌لر. آذربایجان و تورکیه دؤولت باشچی‌لاری "ابدی مشعل" عابده‌سی‌نین اؤنونه اکلیل قویوب‌لار.

دؤولت باشچی‌لاری داها سونرا بیرلیکده ظفر پارادیندا ایشتیراک ائده‌جک‌لر.

جمهور باشقانی اردوغان اوچون گنج‌لیک ساراییندا رسمی قارشیلاما مراسیمی کئچیریله‌جک.

گؤروش‌لردن سونرا ایکی لیدر گوندمی قیمتلندیرمک اوچون بیرگه مطبوعات کنفرانسیندا ایشتیراک اده‌جک.



ایلگیلی‌لی خبرلر