تورک شوراسی گنج‌لر پلاتفورمو آذربایجانا دستکینی بیلدیریب

تورکدیل‌لی دؤولت‌لرین امکداش‌لیق شوراسی (تورک شوراسی) گنج‌لر پلاتفورمو ائرمنیستانین ایشغا‌لی آلتیندا اولان اراضی‌لرینی آزاد ائتمک اوچون موباریزه آپاران آذربایجانا دستکینی بیلدیریب.

1512522
تورک شوراسی گنج‌لر پلاتفورمو آذربایجانا دستکینی بیلدیریب

تورکدیل‌لی دؤولت‌لرین امکداش‌لیق شوراسی (تورک شوراسی) گنج‌لر پلاتفورمو ائرمنیستانین ایشغا‌لی آلتیندا اولان اراضی‌لرینی آزاد ائتمک اوچون موباریزه آپاران آذربایجانا دستکینی بیلدیریب.

تورک شوراسی‌نین آچیقلاماسینا گؤره، تورک شوراسی گنج‌لر پلاتفورمونون ایداره هئیتی بؤلگه‌دکی مؤوجود وضعیتی موذاکیره ائتمک اوچون اونلاین ایجلاس کئچیریب.

ایجلاسا آذربایجان گنج‌لر و ایدمان ناظیری‌نین معاوینی انتیقام بابایئو، تورک شوراسی باش کاتیبی‌نین معاوینی قیسمت گؤزلوو و بوتون عضو دؤولت‌لردن گنج‌لر پلاتفورمو ایداره هئیتی‌نین عضو‌لری قاتیلیب‌لار.

ائرمنیستانین سون زامان‌لاردا آذربایجانا ائتدیگی حربی هوجوم‌لارین اساس موذاکیره مؤوضوع سو اولدوغو ایجلاسدا گنج‌لر پلاتفورمو ایجرایه کومیته‌سی ائرمنیستانین آذربایجان اراضی‌سیندکی سیویل هدف‌لره قارشی هوجوم‌لارینی قیناییب و اولوسلار آراسی توپلوما سیویل اها‌لییه قارشی هوجوم‌لارین دایاندیریلماسی اوچون آددیم آتماغا چاغیریب.

آذربایجانین گنج‌لر و ایدمان ناظیرینین معاوینی بابایئو ناظیرلیگی ایله آذربایجان گنج‌لیک غیری-حکومت تشکیلات‌لاری‌نین موناقیشه‌نین باشلانغیجیندان بری آذربایجانین حاق‌لی موباریزه‌سینی مودافعه ائتمک اوچون اوزرلرینه گؤتوردوک‌لری رول باره‌ده معلومات وئریب.

تورک شوراسی باش کاتیبی‌نین معاوینی گؤزلوو دا ایشتیراکچی‌لارا مؤوضوع ایله علاقه‌دار تورک شوراسی‌نین آتدیغی آددیم‌لار باره‌ده معلومات وئردی. تورک شوراسی‌نین ائرمنیستانی گنجه و آذربایجانین دیگر شهرلرین‌دکی سیویل لره  قارشی ائتدیگی اساس‌سیز هوجوم‌لارا گؤره قینادیغینی خاطیرلا‌دان گؤزلوو ائرمنیستان-آذربایجان موناقیشه‌سی‌نین آذربایجانین اولوسلار آراسی سویه‌ده تانینمیش سرحدلری‌نین اگمنلیگی، اراضی بوتؤو‌لوگو و توخونولمازلیغی اساسیندا مومکون قدر تز حل اولونماسی‌نین واجیب‌لیگینی وورغولاییب.

گؤزلوو آیریجا، بیرلشمیش میللت‌لر تشکیلاتی‌نین (بمت) تهلوکه‌سیزلیک شوراسی‌نین 1993-جو ایلده قبول ائتدیگی ائرمنیستان سلاح‌ی قوه‌لری‌نین آذربایجانین ایشغال اولونموش بوتون اراضی‌لرین‌دن درحال، قئید-شرط‌سیز و تامامیله چیخاریلماسینی طلب ائدن قطعنامه ‌لرینی خاطیرلادیب.

آذربایجانین ایشغال آلتینداکی اراضی‌لرین آزاد ائدیلمه‌سی اوغروندا آپاردیغی حاق‌لی موباریزنی دستکله‌ین تورک شوراسی گنج‌لر پلاتفورمو ایداره هئیتی‌نین عضو‌لری آذربایجانین قانونی موباریزه‌سینه دستک اولماق اوچون آتیلا‌جاق نؤوبتی آددیم‌لار اوچون بیر یول خریطه‌‌سی قبول ائدیب‌لر.

 



ایلگیلی‌لی خبرلر