آذربایجان پرزیدنتی الهام علی یئو: "تورکیه بیزه معنوی دستک گؤستریر"

"تورکیه ارمنیستان ایله موناقیشه‌ده ایشتیراک ائتمیر، آذربایجانا معنوی دستک گؤستریر".

بونو آذربایجان پرزیدنتی الهام علی یئو "روسیا 1" کانالی‌نین "60 دقیقه" پروقرامیندا آپاریجی‌نین سوالینا جاوابیندا سسلندیریب.

الهام علی یئو دئییب کی، تورکیه-‌نین رولو بولگه ده ثابیتلشدیریجی کاراکتئر داشیییر. تورکیه بیزه قارداش اؤلکه و بیزیم متفیقیمیزدیر. ارمنیستانین آذربایجانا هوجوم ائتمه‌سینی دونیا اجتماعتی‌نین بیلدیگی ایلک ساعات‌دان اعتباراً تورکیه دؤولت باشچی‌سی و دیگر رهبرلر سویه‌سینده بیرمنا‌لی اولا‌راق آذربایجانی دستکلدیگینی، اولوسلار آراسی حقوقو دستکلدیگینی بیلدیریب. اونا گؤره کی، ارمنیستان 30 ایله یاخین مودتده آذربایجان اراضی‌سینی ایشغالدا ساخلاماقلا اولوسلار آراسی حقوقو کوبود شکیلده پوزور.

تورکیه-‌نین رولون‌دان دانیشان دؤولت باشچی‌سی دئییب: "تورکیه-‌نین رولو اصلینده محض بون‌دان عبارت‌دیر، باشقا هئچ بیر رولو یوخ‌دور. تورکیه بیزه معنوی دستک گؤستریر و بیز تورکیه رهبرلیگینه، تورکیه پرزیدنتینه و تورک خالقینا بیزیم ایله هم رای اولدوغونا و بیزی دستکلدیک‌لرینه گؤره تشککور ائدیریک. گویا تورکیه-‌نین موناقیشه طرفی کیمی ایشتیراک ائتمه‌سی باره‌ده ارمنی طرفین یایدیغی بوتون شایعه ‌لر تخریبات کاراکتئری داشیییر، ایندیکی دیلده دئسک بو، فئیک-نیوس‌دور. تورکیه-‌نین موناقیشه‌ده ایشتیراکی باره‌ده هئچ بیر ثبوت یوخ‌دور و بونا ضرورت یوخ‌دور. آذربایجان اوردوسو اؤز خالقی‌نین و اؤز اراضی‌سی‌نین مودافعه‌سینی تامین ائتمک اوچون کیفایت قدر حاضیرلیق‌لی‌دیر".