آذربایجان اراضی‌سینده ساعات 00.00-دان حربی وضعیت تطبیق اولونور

پرزیدنت الهام علی یئوین فرمانی ایله اؤلکه اراضی‌سینده حربی وضعیت اعلان ائدیلیب.

1498256
آذربایجان اراضی‌سینده ساعات 00.00-دان حربی وضعیت تطبیق اولونور

پرزیدنت الهام علی یئوین فرمانی ایله اؤلکه اراضی‌سینده حربی وضعیت اعلان ائدیلیب.

بونو بو گون کئچیریلن بریفینقده آذربایجان جمهوریتی پرزیدئنتی‌نین کؤمکچی‌سی - آذربایجان جمهوریتی پرزیدنتی‌نین خاریجی سیاست مسئله‌لری شعبه‌سی‌نین مودیری حیکمت حاجی یئو بیلدیریب.

فرماندا آنایاسانین 109-جو بندی و 111-جی بندی نظره توتولا‌راق، قرارا آلینیب کی:

2020 -جی ایل 28 سپتامبر ساعات 00.00-دان آذربایجانین بوتون اراضی‌سینده حربی وضعیت اعلان ائدیلسین؛

- حربی وضعیتین تامین ائدیلمه‌سی مقصدی ایله "حربی وضعیت" حاقیندا قانوندا نظرده توتولموش تدبیرلر حیاتا کئچیریلسین؛

- باکی، گنجه، سومقاییت، یئولاخ، مینگه چئویر، نافتالان شهرلرینده، آبشرون، جبراییل، فضولی، آغجابه‌دی، بئیلقان، آغدام، برده، ترتر، گورانبوی، گؤیگؤل، داشکسن، گه ده بیگی، توووز، شمکیر، قازاخ و آغستافا رایون‌لاریندا حربی وضعیت دؤورونده ساعت 21.00-دان ساعت 06.00-ا قدر کوچه‌یه چیخما قاداغاسی اعلان ائدیلسین؛

- کوچه‌یه چیخما قاداغاسی تطبیق ائدیلدیگی اراضی‌لرده شخص‌لرین خصوصی ایجازه و شخصیت وثیقه‌لری اولما‌دان کوچه‌لرده و اجتماعی یئرلرده اولماسی قاداغان ائدیلسین؛

- خصوصی گیریش-چیخیش رژیمی تطبیق ائدیلسین؛

- نقلیات واسیطه‌لری‌نین حرکت‌لری‌نین محدودلاشدیریلماسی اوچون تدبیرلر گؤرولسون؛

ایچ ایشلر ناظیرلیگی کوچه‌یه چیخما قاداغاسی تطبیقیندن ایره‌لی گلن تدبیرلرین حیاتا کئچیریلمه‌سینی تامین ائتسین؛

- حربی وضعیت دؤورونده مولکیت و تشکیلاتی، حقوقی فورماسیندان آسیلی اولمایا‌راق، ایداره، موسسه و تشکیلات‌لارین حقوق‌لاری‌نین و قانونی منافع‌لری‌نین، وطنداش‌لارین حقوق و آزادلیق‌لاری‌نین قیسمن و موقتی محدودلاشدیریلماسینی نظرده توتان تدبیرلر وضعیتین کسکینلیگیندن ایره‌لی گلن حدودلار داخیلینده و آنایاسا، آذربایجانین طرفدار چیخدیغی اولوسلار آراسی موقاویله‌لره و آذربایجانین قانون‌لارینا اویغون اولا‌راق تطبیق ائدیلسین.

-. بو فرمان تصدیق اولونماسی اوچون آذربایجان جمهوریتی‌نین میللی مجلیسینه گؤندریلسین.

- آذربایجان جمهوریتی‌نین خاریجی ایشلر ناظیرلیگی “حربی وضعیت حاقیندا” آذربایجان جمهوریتی قانونونون 25-جی ماده‌سیندن ایره‌لی گلن وظیفه‌لرین حیاتا کئچیریلمه‌سینی تامین ائتسین.

 



ایلگیلی‌لی خبرلر