الهام علی یئو:"ارمنیستان فاشیست دؤولتدیر"
آذربایجان پرزیدنتی الهام علی یئو آذربایجان وطنداشلارینین یاشاییش یئرلرینی آتشه توتان ارمنیستانی "فاشیست دؤولت" آدلاندیردی.
آذربایجان پرزیدنتی الهام علی یئو آذربایجان وطنداشلارینین یاشاییش یئرلرینی آتشه توتان ارمنیستانی "فاشیست دؤولت" آدلاندیردی.
ناظیرلر کابینه سی ییغینجاغیندا ائتدیگی چیخیشیندا . الهام علی یئو 12 ژوئیه ده سرحدده یاشانان قارشیدورمالاری ارمنیستانین باشلادیغینی و اوردولارینین توووز بؤلگهسینده آذربایجان موضع لریندن بیرینه توپ آتشیله هوجوما کئچدیگینی خاطیرلاداراق دئییب: "آذربایجان اوردوسو درحال جاواب وئرهرک شهید عسگرلرین انتقامینی آلدی و ظفر قازاندی. ارمنیستان حربی قوهلری بیر سانتی متر بئله آذربایجان تورپاغینا گیره بیلمهدی و بونو داها هئچ زامان باجارمایاجاق. اما بیز ایسته سیدیک، ارمنیستانین او بؤلگهسیندکی تورپاقلارین بؤیوک قیسمینی نظارتیمیزه کئچیرردیک.
ارمنیستان اوردوسو آذربایجانین یاشاییش یئرلرینه آتیش آچارکن 76 یاشلی بیر وطنداشیمیز حیاتینی ایتیریب. بو، بیر داها ارمنیستانین فاشیست دؤولت اولدوغونو گؤستریر.
آذربایجان خالقی داغلیق قاراباغ اوچون اولونان معناسیز موذاکیرهلردن بئزیب. خالقین دا صبرینین بیر حدی وار.
بیزیم گوجلو اوردوموز وار. داغلیق قاراباغ مؤوضوعسوندا گئرییه بیر آددیم بئله آتمایاجاغیق. آذربایجانین تورپاق بوتؤولوگو تعمین ائدیلمهلیدیر. بو مؤوضوعدا قرارلیییق."
آذربایجان پرزیدنتی تورکیه خالقینا و پرزیدنت رجب طیب اردوغانا دا وئردیگی دستکلره گؤره تشککور ائدهرک: "بوتون دونیا تورکیه و آذربایجان خالقلارینین اصل قارداش اولدوغونو بیر داها گؤردو"، - دئیه وورغولاییب.